LEXO PA REKLAMA!

SHKARKO APP

Berisha mirëpret Metën/ Bashkë, të rrëzojmë Ramën

24 Qershor 2022, 11:49, Politikë CNA

Berisha mirëpret Metën/ Bashkë, të rrëzojmë

Kryetari i Partisë Demokratike, Sali Berisha, është shprehur sot se mirëpret bashkimin e Ilir Metës me Opozitën, pas përfundimit të mandatit si President.

Gjatë një deklarate për mediat, Berisha tha se mirëpret kontributin e çdo force politike të bashkohen kundër Ramës.

“Mirëpritet kontributi i tij dhe LSI-së në opozitarizmin kundër Ramës.

Ne do të bashkohemi me të gjitha forcat politike sepse ky regjim është armiqësor ndaj shqiptarëve”, -tha Berisha.

Ndërsa i pyetur nga gazetarët se cili do të jetë qëndrimi i tij, në rast se protestuesit tentojnë të futen në Kryeministri, në 7 korrik, Berisha tha se: “Edi Rama është i vetmi kryeministër që ia mbath para se të fillojnë protestat. Është e vërtetë kjo. Nuk ka qëndruar kurrë në Kryeministri.

Ndiqeni atë ditë, nga tunelet e Skraparit deri në galeritë e Klosit, por të jeni të sigurtë se në asnjë protestë nuk ka qëndruar në zyrë.

Kemi të bëjmë me një front, unë jam njëri prej aktorëve, dhe vendimet merren nga fronti”.

Po ashtu ai u pyet nëse do të ketë një skenar të ngjashëm me 8 janarin 2022.

8 janari është skenar që nuk është përsëritur kurrë ndonjëherë në historinë e botës.

Asnjë kryetar partie në botë, nuk ka bërë atë që bëri Lulzim Basha”, -u shpreh Berisha./CNA.al

Lajmet e fundit nga