‘Kur s’më futi Ilir Meta në burg s’më fut dot askush”/ Kryemadhi ‘dorëzon’ LSI-në

23 Qershor 2022, 22:28, Politikë CNA

‘Kur s’më futi Ilir Meta në burg s’më fut dot

Monika Kryemadhi

Kryetarja e LSI-së, Monika Kryemadhi, e ftuar në emisionin ‘Të paekspozuarit’ ka paralajmëruar se pasi Meta të dorëzojë mandatin e Presidentit, do të marrë drejtimin e partisë.

Kjo sipas saj pasi Meta është më i aftë politikisht.

“E para ka kohë dhe një muaj. Ti sikur se njeh Ilir Metën, ka qenë gjithmonë arma sekrete e tij, nuk e lexon dot Ilir Metën. Është i paparashikueshëm.

Por me qefin më të madh do t'ia lija partinë. Ilir Meta është politikan, nuk është pastrues bore si puna ime, luan politikisht dhe di të japë zgjidhjet perfekte në momentet më të vështira.

Unë jam si këta, derisa vdekja të na ndajë”, tha Kryemadhi.

Duke folur më tej për inceneratorët dhe padinë e paralajmëruar në SPAK, Kryemadhi tha se emocionalisht ka qenë në burg, por politikisht se fut dot askush.

“Që ta dish zoti Rakipi, kush bën kallëzim të rremë dënohet 5 vite burg. Kur mua s’më futi në burg Ilir Meta s'më fut dot askush. Në këndvështrimin emocional po ndoshta. Emocionalisht mund të kem qenë në burg”, tha ajo./E.T-CNA.al