web counter
LEXO PA REKLAMA!

SHKARKO APP

App Store
Google Play

Rithemelimi i PD/ Këlliçi: Procesi ka zgjatur 1 vit, do jemi në ballë të protestave për interesat e qytetarëve

24 Qershor 2022, 19:19, Politikë CNA
Rithemelimi i PD/ Këlliçi: Procesi ka zgjatur 1 vit, do jemi në
Belind Këlliçi

Deputeti i PD Belind Këlliçi ka folur për situatën politike në vend.

Në një intervistë për media, Këlliçi tha se synimi i rithemelimit nuk ishte vetëm për PD por për opozitën në tërësi, proces që sipas tij ka marrë 1 vit kohë.

Sipas deputetit, PD ka përballë një repart ushtarak me patronazhistë që e kanë kthyer shtetin në një makinë elektorale.

“Ne kemi qenë  në një cikël të rithemelimit të opozitës dhe jo vetëm të PD-së . A ka marrë kjo kohën mjaftueshëm? Ka marrë pothuajse 1 vit, ka pasur shumë debat. Ne kemi edhe të pakënaqur brenda PD, por e rëndësishme është që ka zgjedhje në PD, vendos vota. Ndërkohë nga ana tjetër ke një repart ushtarak që me patronazhistët së bashku e ka kthyer të gjithë shtetin në një makinë elektorale. Rama mund të jetë ndjerë komod sepse nuk ka pasur një opozitë të vërtetë përballë, por nga ky moment, PD dhe unë personalisht nuk do të kemi justifikime për të thënë që kemi qenë të zënë apo kemi pasur ngarkesë për shkak të punëve tona. Ne duhet  të jemi  në ballë të protestave dhe organizmit të aktiviteteve që është në mbrojtje të interesit të qytetarëve”, tha Këlliçi.

Deputeti i PD dhe anëtari i Kryesisë shtoi më tej se politika duhet t’i shërbejë qytetarëve në mënyrë që këto të fundit të mos ikin nga vendi.

“Nëse duam të rrimë në këtë vend, politika duhet t’i shërbejë qytetarit. Nëse në këtë vend vazhdojnë të ikin të rinjtë të kualifikuarit e të shkolluarit, do jetë problem i madh. Pastaj nuk duhet të çuditemi nëse do të ketë nevojë për një ligj të dytë të dekriminalizimit, ku personat me precedent penalë i shohim  deputetë e ministra, të cilët i bëri Edi Rama.  Kështu që gjykoj që testin e zjarrit PD dhe opozita do e kalojë”, tha ai./CNA.al





Lajmet e fundit nga