web counter
LEXO PA REKLAMA!

SHKARKO APP

App Store
Google Play

E fundit!

x

Situata e zjarreve/ Peleshi del para Komisionit të Sigurisë, debat me deputetët e opozitës

27 Qershor 2022, 12:23, Politikë CNA
Situata e zjarreve/ Peleshi del para Komisionit të Sigurisë, debat me
Niko Peleshi

Ministri i Mbrojtjes, Niko Peleshi, u është përgjigjur pyetjeve të deputetëve të opozitës lidhur me situatën e zjarreve në vend.

Gjatë fjalës së tij në Komisionin e Sigurisë, Peleshi ka debatuar me deputetët e opozitës, të cilët e akuzojnë se nuk ka mobilizuar policinë ushtarake për mbrojtjen e territorit. Peleshi deklaroi se mbrojtjen e territorit nuk e bën policia ushtarake, pasi kjo trupë sipas ministrit ka 500 efektivë.

Ministri deklaroi më tej se qëllimi është t’i japim Cezarit çfarë i takon Cezarit dhe se nuk ka konsipracion.

“E dëgjoj shqetësimin e ngritur nga Xhaferaj dhe deputetet e tjerë. Dua t’ju siguroj se te pyetja e parë që lidhet me ligjin për policinë ushtarake, asnjë prej aludimeve nuk qëndron. Nuk është qëllimi që duke modifikuar një togfjalësh ne të ulim nivelin e mbrojtjes së forcave të armatosura. Keqkuptimi vjen nga zëvendësimi i fjalës mbrojtje me ruajtje. Nëse keni menduar se me këtë po u heqim të drejtën e ruajtjes forcave të armatosura për pronat ushtarake, ju them që as nuk është ruajtur nga Policia Ushtarake dhe as do të ruhet. Sepse ruhet nga repartet përkatëse dhe ka detyra të mirëcaktuara se si komandanti i një reparti që ka në juridiksion ruajtjen e ka të detajuar planin. Kur flasim për mbrojtjen e pronës, t’u bëj një analogji me ligjin për policinë e shtetit. Policia e Shtetit mbron jetën, ligjin dhe pronën private. Kur themi që policia ushtarake mbron pronën, nuk e ruan me kallash, por njoftohet nga njësia përkatëse e forcave të armatosura dhe shkon bën procedurën. Polica ushtarake nuk është policia e shtetit që të bëjë veprime shtrënguese ndaj qytetarit kur ka cenim të pronës, si vepër penale.

Pse bëhet ky modifikim kur s’është e nevojshme. Për të mos ngatërruar ekuivokun. Edhe mund të mos ndryshonte fare, ose nëse ju keni një propozim tjetër në vend të këtij togfjalëshi që tregon se nuk ulet vigjilenca ose ruajtja ju silleni dhe unë do e mbështes.

Ruajtjen nuk e bën policia ushtarake, nuk e ka bërë dhe nuk e bën dot. Ne kemi 1500 prova dhe policia ushtarake ka 500 efektivë, kështu që është edhe e pamundur që t'i ruajmë me pushkë të gjitha pronat ushtarake. Nuk ka raste ku ne ngarkojmë policinë ushtarake të ruajë një pronë të caktuar me roje fizike. Ju ndryshojeni togfjalëshin nëse doni. Por qëllimi është t’i japim Cezarit çfarë i takon Cezarit, nuk ka konsipracion këtu”, tha Peleshi./CNA.al

 

 





Lajmet e fundit nga