“Është qelbur në pushtet”/ Ish-ministri tregon pse Rama hedh “helm” kundër Europës

27 Qershor 2022, 09:49, Politikë CNA
“Është qelbur në pushtet”/ Ish-ministri tregon pse
Kryeministri Edi Rama

Ish-ministri i Drejtësisë, Ylli Manjani, ka komentuar deklaratat e kryeministrit Edi Rama, në lidhje me Bashkimin Europian.

Në një postim në rrjetet sociale, Manjani shkruan se arsyeja pse ai hedh “helm” kundër Europës, është se ndihet i fortë, i pazëvendësueshëm, i bindur që do të vdesë në pushtet.

Sipas Manjanit, atij nuk i duhet Europa, por pushteti që i kënaq ndjesinë e qelbjes.

“Pyetja është si ka mundësi që nxorri gjithë atë helm kundër Europës?!

Sigurisht që e kupton rëndësinë e fjalëve që lëshon. Nuk është as budalla e as gomar, si i pëlqen të hiqet.

Atëherë si ka mundësi?!

Ai me Brukselin e kishte mirë..!?

Është QELBUR NË PUSHTET. Kjo është arsyeja. Ai ndjehet i fortë, i pazëvendësueshëm, i bindur që do vdesë në pushtet.

Ai është i sigurtë që nuk ja merr njeri karriken. Është më shumë se "kolltukofag".  Është qelbur aty në pushtet. Jeton me erën e tij. As hapja e dritareve nuk lejohet... Ai jeton i blinduar në qelbjen e vet.

Atij nuk e duhet Europa, por pushteti që i kënaq ndjesinë e qelbjes.

Për fat të keq edhe mileti Europën e përdor për emigracion, ose për ta sharë "kurvë". Dhe po ky milet ende pëlqen atë që është qelbur në pushtet.

Ndaj dhe Ai sillet ashtu siç sillet...

Ja kështu më del hesapi mua...”-shkruan Ylli Manjani./CNA.al

Lajmet e fundit nga