web counter
LEXO PA REKLAMA!

SHKARKO APP

App Store
Google Play

E fundit!

x

Ish-kreu i PS-së në Rubik bën deklaratën e fortë pas dorëheqjes/ "Do të votoj kandidatin e opozitës"

28 Mars 2023, 15:35, Politikë CNA

Ish-kreu i PS-së në Rubik bën deklaratën e fortë pas

Pal Tushaj ka dhënë dorëheqjen si kryetar i PS-së në Rubik. Këtë e ka bërë të ditur vetë Tushaj nëpërmjet një reagimi në rrjete sociale.

Ish-kreu i PS-së në Rubik ka shprehur qëndrimin e tij kundër kandidatit të zgjedhur nga PS-ja për zgjedhjet e 14 majit, Ndrec Deda, duke u shprehur se ai nuk e përfaqëson denjësisht partinë.

“E kam shpjeguar që nuk ndihem i përfaqësuar, po ashtu si dhe socialistët. PS mbështeti Dedën, mandati i dytë erdhi se ishte i pëlqyer nga persona të caktuar nga PS-ja. Në mandatin e tretë, nuk u ndoq asnjë rregull demokratik, por erdhi me urdhër nga lart. Ndrec Deda nuk përfaqëson denjësisht PS-në. Ndoshta ne na ka si dorë të dytë. Mirëdita ka nevojë për një kryetar të denjë. Që ta ketë ditë e natë dhe jo me kohë të pjesshme, një herë në dy muaj”, tha ai.

Në një lidhje "live" për mediat, Tushaj ka deklaruar se PS-ja ka probleme me Pjetër Pjetrin dhe Ndrec Dedën në krye.

Ndër të tjera ai ka bërë delaratën e fortë duke thënë  se do të votojë kandidatin e Berishës në Mirditë, Albert Mëlyshin, pasi, sipas tij, mjafton që ky i fundit është mirditor.

“Duke mos qenë pjesë e kryetarit të bashkisë, s'kam pasur shansin që të hyj në zyrën e tij, që të mos thërrasë njëherë kryetari i bashkisë që ‘kjo është bërë mirë, kjo është keq’. PS ka probleme nga Pjetër Pjetrin dhe Ndrec Dedën. Kam një mendim dhe besim që populli i Mirditës nuk do ta votojë Dedën. Unë nuk kam zgjedhur asnjë kandidat, por ka plot të tjerë të aftë. Akuzat i bëj pasi, nëse je i fortë, ke ekonomi, ke ndërruar emrin, atëherë ke mbështetjen e Dedës. Një pjesë e punonjësve s’kanë pasur lidhje dhe tani punojnë në pozicione të zgjedhura, pa një formim. PS është monopol. Unë votoj Albert Mëlyshin, fatkeqësisht përfaqëson PD-në. Do ta votoja atë. Mjafton të jetë mirditor, jo nga Tirana që të komandojë me pult.

Nëse je kundër tij, ai të heq nga puna. Mua më ka kërkuar të largohem. Deda i është prezantuar Ramës, jo ashtu siç është apo ashtu siç u intereson disave”, tha ai./CNA





Lajmet e fundit nga