LEXO PA REKLAMA!

SHKARKO APP

Tërhiqet kandidati i “vulës” në Korçë

28 Mars 2023, 14:53, Politikë CNA

Tërhiqet kandidati i “vulës” në Korçë

Gjergji Gjata, kandidati i Enkelejd Alibeajt për Korçën, është tërhequr nga gara për kryetar bashkie në këtë qytet.

Lajmin e ka bërë të ditur vetë Gjata në rrjete sociale ku ka theksuar se është tërhequr nga gara së bashku me 40 kandidatë për Këshillin Bashkiak.

Gjata ka zbuluar dhe arsyen përse është tërhequr nga gara, duke përmendur mungesë të procedurave vendimmarrëse në organet drejtuese të PD-së së "vulës" si dhe për shkelje të integritetit dhe dinjitetit të të gjithë kandidatëve.

“Ju informojmë se unë si kandidati për Kryetar i Bashkisë Korçë dhe 40 kandidatë për Këshillin Bashkiak, të partisë politike PDSh, tërhiqemi nga gara elektorale (në mënyrë të parevokueshme) për Zgjedhjet Vendore 2023, për mungesë të procedurave vendimmarrëse në organet drejtuese të PDSh lidhur me kandidimet, si dhe për shkelje të integritetit dhe dinjitetit të të gjithë kandidatëve, cenuar nga vendime personale dhe jo kolegjiale.

Urojmë më të mirën për Korçën dhe suksese për kandidatët më të mirë në të gjithë vendin.

(Procedurën zyrtare do e kryejmë sipas rregullave që parashikon ligji, pranë KQZ.)”, shkruan ai./CNA.al

Lajmet e fundit nga