LEXO PA REKLAMA!

SHKARKO APP

E fundit!

x

Shehaj mbështet planin e Këlliçit/ “I realizueshëm, përfitojnë 200 mijë qytetarë”

28 Mars 2023, 08:11, Politikë CNA
Shehaj mbështet planin e Këlliçit/ “I realizueshëm,
Deputeti i PD, Agron Shehaj

Deputeti i PD-së, Agron Shehaj, ka dalë në krah të kandidatit të opozitës për Bashkinë e Tiranës, Belind Këlliçi, duke u shprehur se plani i tij për transportin publik falas është i realizueshëm dhe do t'u vinte në ndihmë 200 mijë qytetarëve të Tiranës.

Sipas Shehajt, nga kjo përfitojnë shtresa e mesme dhe ajo e ulët e shoqërisë, të cilët e përdorin urbanin çdo ditë.

"Nëse qytetarët do t'i besojnë drejtimin e Bashkisë së Tiranës, ka filluar me një premtim shumë të mirë sipas mendimit tim, siç është urbani falas në Tiranë. Është një premtim më se i realizueshëm, kushton 20 mln euro në vit, janë rreth 6% e buxhetit të Tiranës, nuk janë pak, por është i realizueshëm. Unë mendoj se është gjëja më e mirë që mund të bëhet.

Përfiton shtresa e mesme dhe ulët, e cila përdor çdo ditë urbanin për të shkuar në punë, për të shkuar në shkollë. Kush thotë është gjë koti, duhet të vihet në vend të atij që harxhon 30 mijë lekë në muaj vetëm për urbanin, plus bashkëshortja, plus fëmijët. Bashkia duhet t'ua kthejë paratë qytetarëve në formën e shërbimit. Ka efekte mbi trafikun, mbi ndotjen.

Është absolutisht e realizueshme, janë qindra qytete që e kanë. Çmimi i biletave rëndon shumë në buxhetin mujor të familjeve. Unë besoj se Belindi do ta bëjë. Nëse Belindi fiton do ta bëjë. 200 mijë qytetarë preken nga kjo, i ftoj qytetarët të flasin me personat që përdorin urbanët çdo ditë, t'i pytesin janë dakord apo jo me urbanët falas. Është shumë i thjeshtë për t'u realizuar. Mjafton vullneti", është shprehur Shehaj./ CNA.al

Lajmet e fundit nga