LEXO PA REKLAMA!

SHKARKO APP

Zgjedhjet e 14 majit/ PS dhe koalicioni “Bashkë Fitojmë” dorëzojnë listat në KQZ

27 Mars 2023, 21:32, Politikë CNA

Zgjedhjet e 14 majit/ PS dhe koalicioni “Bashkë Fitojmë”

Partia Socialiste, koalicioni “Bashkë Fitojmë”, koalicioni “Aleanca Progresiste” dhe “Nisma Thurje”, kanë dorëzuar në Komisionin Qëndror të Zgjedhjeve listat e kandidatëve për Këshillat Bashkiakë dhe për kryebashkiakë.

Partia Socialiste dhe koalicioni “Bashkë Fitojmë” garojnë në të gjitha bashkitë e vendit, si dhe Këshillat Bashkiakë përkatës. Nga ana tjetër “Aleanca Progresiste” dhe “Nisma Thurje” do të garojnë vetëm në disa zona të caktuara.

Përsa i përket grupit të PD-së së vulës, ende nuk është bërë dorëzimi i listave nga ana e tyre, teksa deri tani kanë bërë publik vetëm 17 kandidatë për kryebashkiakë.

Sonte në orën 24:00 është afati i fundit për të dorëzuar listat përkatëse.

Kujtojmë se sipas hartës territoriale, 50 bashki kanë vetëm një  KZAZ dhe pikërisht aty bëhet edhe dorëzimi i listave me kandidatët.

Ndërkohë që në KQZ bëhet dorëzimi për regjistrimin në bashkitë e mëdha, si Tirana, Shkodra, Elbasani, Vlora./CNA.al

Lajmet e fundit nga