LEXO PA REKLAMA!

SHKARKO APP

Boçi publikon pamjet shokuese/ "Fëmijët kalojnë lumin për të shkuar në shkolla"

27 Mars 2023, 14:34, Politikë CNA

Boçi publikon pamjet shokuese/ "Fëmijët kalojnë lumin

Kandidati i Partisë Demokratike për Bashkinë e Elbasanit, Luçiano Boçi, ka publikuar disa pamje nga zona e Papër-Sollakut, ku fëmijët kalojnë lumin për të shkuar në shtëpi dhe në shkolla.

Me anë të një postimi në rrjetet sociale, Boçi shkruan se kjo është një papërgjegjshmëri politike dhe morale.

“Shokuese këto pamje që vijnë nga zona e Papër-Sollak në Elbasan!

Prindërit në ditët me shi puthen e përqafohen me fëmijët e tyre që "luajnë" me jetën, për të kaluar mes për mes ujërat e rrëmbyeshëm! A mund të quhet kjo një sakrificë për arsimimin? Për ata fëmijë, sigurisht që po.

Por në fakt, kjo është përtej papërgjegjshmërisë politike! Kjo është papërgjegjmëri morale! Si mund të kenë guxim të dalin të takojnë njerëzit? Si s'kanë turp të premtojnë se do të bëjnë më mirë?

Zotimi është i thjeshtë! Kurrë më këta fëmijë s'kanë për të kaluar në këtë mënyrë rrjedhën e lumit. Kurrë më, prindërit s'do luten që fëmijët t'i kthehen shëndoshë e mirë në shtëpi nga shkolla”, shkruan Boçi./CNA

Lajmet e fundit nga