LEXO PA REKLAMA!

SHKARKO APP

Marrëveshja për përmirësimin e rrjetit të shpërndarjes së energjisë/ Balluku zbulon sa do të kushtojë projekti

28 Mars 2023, 13:01, Politikë CNA

Marrëveshja për përmirësimin e rrjetit të

Zv/kryeministrja dhe njëherësh ministrja e Infrastrukturës dhe Energjisë, Belinda Balluku, ka nënshkruar marrëveshjen me qeverinë italiane për përmirësimin e rrjetit të shpërndarjes së energjisë elektrike në vend.

Balluku ka zbuluar se shteti shqiptar do të marrë për këtë projekt një hua prej 35 milionë eurosh, i cili do të shërbejë për përmirësimin e sistemit të shpërndarjes, konkretisht në zonën e Shkodrës, Lezhës dhe Fushë-Krujës.

Me anë të kësaj marrëveshje shteti shqiptar do të marrë një hua prej 35 milionë eurosh dhe përmes kësaj huaje ne do të zhvillojmë një projekt, i cili konsiston në përmirësimin e sistemit të shpërndarjes, konkretisht në zonën e Shkodrës, Lezhës dhe Fushë-Krujës, me fokus kryesor përmirësimin e nënstacioneve ekzistuese, sistemin Scada dhe rrjetin e tensionit të mesëm, duke u ofruar kështu mundësi agjencive shtetërore, ndërmarrjeve shtetërore, por edhe atyre private që të ofrojnë një shërbim cilësor në furnizimin e energjisë elektrike”, tha ajo.

Sipas Ballukut ky investim do të ndihmojë agjencitë shtetërore, ndërmarrjet shtetërore edhe ato private për një shërbim më cilësor./CNA.al

Lajmet e fundit nga