LEXO PA REKLAMA!

SHKARKO APP

Dështimi në Durrës/ Igli Cara nuk pranon humbjen: Vullneti i qytetarëve u kushtëzua

17 Maj 2023, 11:16, Politikë CNA

Dështimi në Durrës/ Igli Cara nuk pranon humbjen: Vullneti i

Kandidati i BF-së për Durrësin, Igli Cara, ka reaguar pas humbjes në Durrës kundrejt Emiriana Sakos, e cila ka siguruar një tjetër mandat.

Përmes një statusi në rrjetet sociale, Cara falënderon çdo qytetar që e mbështeti në garën e 14 majit, por duket se nuk ka pranuar humbjen.

Ai shkruan se rezultati ishte i ndikuar nga shumë faktorë, gjë që tregoi se vullneti i qytetarëve mund të kushtëzohet, të kontrollohet dhe të tjetërsohet, në emër të zhvillimit, për të përqendruar pushtetin në një dorë të vetme, që shpërdoron dhe grabit ditën për diell, pasuritë kombëtare dhe fondet publike.

Mirënjohës ndaj çdo bashkëqytetari që më mbështeti përgjatë këtij rrugëtimi, duke më votëbesuar në këto zgjedhje!

Falenderues ndaj çdo demokrati, opozitari, mbështetësi, që u bënë pjesë e proçesit të votimit dhe numërimit, duke tejkaluar vështirësitë dhe duke qenë aty, për t'i dhënë vlerë çdo vote!

Një rezultat i ndikuar nga shumë faktorë, i cili tregoi se vullneti i qytetarëve mund të kushtëzohet, të kontrollohet dhe të tjetërsohet, në emër të zhvillimit, për të përqendruar pushtetin në një dorë të vetme, që shpërdoron dhe grabit ditën për diell, pasuritë kombëtare dhe fondet publike.

Durrësi mbetet familja jonë e madhe, që na bën bashkë, ku unë do të vazhdoj, si çdo ditë, të shikoj miqtë, kolegët, qytetarët në sy, duke u shtrënguar duart, sepse lidhja me këtë qytet dhe ndershmëria, për mua mbeten zgjedhje pa kompromis.

Faleminderit me zemër! “, shkruan Cara./ CNA.al

Lajmet e fundit nga