E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Beteja e "Vulës" për lekët e KQZ/ Kandidatëve po u thuhet që fondet për fushatë i ka vjedhur Gazi

28 Mars 2023, 18:19, Politikë CNA

Beteja e "Vulës" për lekët e KQZ/ Kandidatëve po u

Në prag të betejës së 14 Majit, Komisioni Qendror i Zgjedhjeve pritet t’i shpërndajë subjekteve garuese 26 miliardë lekë (të vjetër) për fushatën elektorale.

Kjo temë u hap gjatë diskutimit në Komisionin e Ligjeve kur duhej miratuar vlera e fondit të cituar më lart.

Ajo që u dallua edhe gjatë asaj mbledhjeje ishte shqetësimi i Enkelejd Alibeajt dhe insistimi i tij që të sigurohej se KQZ do i jepte fondet.

Megjithëse as gjyqi i "Vulës" nuk ishte shprehur, e as KQZ nuk kishte nisur ndonjë regjistrim subjektesh politike, Alibeaj kishte kohë të mendonte për fondet.

Pra megjithëse Rama duke i zgjatur gjyqin e "Vulës" po e pengonte të gjente kandidatët për Kryebashkiak dhe KQZ nuk kishte nisur ende ta pengonte që të plotësonte listat e kandidatëve, Alibeajn nuk e pengonte asgje dhe ishte i sigurtë që fondet do i merrte ai.

Kishte vetëm hallin mos KQZ lexonte keq Kodin.
Për fobitë e veta lidhur me lekët e mbajti 30 minuta mbledhjen e Komisionit të Ligjeve me fjali boshe dhe tmerrësisht të gjata.

Vendimi që PD dhe LSI morën 4 vite më parë, kishte shqetësuar Lulzimsat, të cilët donin garanci në mbledhjen e Komisionit të Ligjeve, se si do ndaheshin paratë e fushatës.

“Cila është lista e partive që përfitojnë nga ky buxhet, cilat janë partitë dhe çdo parti sa përfiton nga ku buxhet?”, do të pyeste deputetja Dhurata Çupi.

“Janë publike kush ka hyrë në zgjedhje e kush s’ka hyrë, tani mos fshihemi pas gishtit se e dimë të gjithë kush ka hyrë dhe sa vota ka marrë”, lodhej tu shpjegonte deputeti socialist Toni Gogu.

Por, Enkelejd Alibeaj kërkoi që për përllogaritjen e parave për partitë politike të merret për bazë pakti zgjedhor që demokratët dhe socialistet bënë në 2020.

Alibeaj ju referua si pakt asaj që në fakt ështe dispozitë kalimtare në Kodin Zgjedhor. Por meqë çdo mbledhje ku gjendet e sheh si mundësi për ndonjë pazar, nuk donte ta humbte rastin të kapte ndonjë syresh. Aq më shumë kur rasti ishte fiks muhabet lekësh!

“Ajo që na takon neve që bojkotuam i bie të jetë zero. Neni 180 i kodit zgjedhor e ka korrigjuar atë deformim të zgjedhjeve të 2019 dhe për të përcaktuar cila do jete parti përfituese referimi nuk bëhet tek 2019 kur ne bojkotuam, por ne zgjedhjet e 2015-2017”, tha deputeti Enkelejd Alibeaj.

Alibeajn në atë mbledhje e trembi pak Deputetja Felaj.

“Ligji në nenin 88 pika 1 e kodit zgjedhor nuk thotë thjesht zgjedhje pararendëse por thotë zgjedhjet me të afërta pararendëse qe ne gjykimin tim se ka lënë KQZ pa mundësi veprimi sa i përket ndarjes se fondeve”, tha Ermonela Felaj.

Ajo që po ndodh sot, vërteton hallin e Lulzimsave! Halli i "Vulës" ka qenë i lidhur me lekët pas "Vulës".

Kandidatëve të regjistruar në KQZ nga Alibeaj po ju thuhet se ata nuk kanë fonde për të vënë në dispozicion të fushatës.

Ky ështe motivi se pse kandidatët po tërhiqen nga gara.

Ato fonde të shqiptarëve sepse dalin nga Buxheti i Shtetit, janë llogaritur me votat e 61 bashkive dhe i jepen subjektit politik si kontribut shtetëror.
Alibeaj rregjistroi vetem 15. Dhe fonde po thotë NUK KA!

Insistimit të kandidatëve, Alibeaj po u përgjigjet duke ja lënë dyshimin e hajdutërisë së Gaz Bardhit.

"Nuk di gjë çfarë bën Gaz Bardhi me fondet", po "sqaron" Alibeaj kandidatët.
Si konkluzion: fonde për fushatat e PD sipas Alibeajt nuk ka.

Mbetet që KQZ ta bëjë realitet mungesën e atyre fondeve!

Sa kohë kandidatët deri tani kanë mbetur vetëm 12, dhe atyre po u thuhet që fondet nuk janë për fushatë, KQZ nuk ka motiv të disbursojë ca fonde që qenkan destinuar të përvetësohen nga Dordolecët e "Vulës".