web counter
LEXO PA REKLAMA!

SHKARKO APP

App Store
Google Play

E fundit!

x

Basha “përplas” deputetët e PD-së së vulës/ Korreshi dhe Sula refuzojnë rikthimin

24 Maj 2023, 16:45, Politikë CNA

Basha “përplas” deputetët e PD-së së vulës/

Gazment Bardhi thirri sot në mbledhje grupin e PD-së së vulës, ku një nga çështjet që u diskutua ishte zgjedhja e kreut të ri.

Por nga qëndrimet e bëra për mediat, deputetët e PD-së së vulës janë “përplasur” në mendime. Enkelejd Alibeaj u shpreh pro rikthimit të Lulzim Bashës si kryetar i PD-së.

“Kjo parti nuk duhet të jetë në varësi të emrave individuale. Kjo është ajo që kërkohet sot! Çdokush ka të drejtë të rikandidojë. Këtë e vlerëson anëtarësia”, u shpreh ai, por të tjerë deputetë e kundërshtojnë Alibeajn.

Dy të tillë janë Dashnor Sula dhe Saimir Korreshi. Sula tha se rikthimi i Bashës është një zgjidhje e gabuar, pasi mban të hapur konfliktin.

“Qëndrimi im ka qenë i prerë. Nuk duhet të ketë rikthim në drejtimin e PD-së. Nëse duam që ta lëmë konfliktin e hapur kjo do të ishte një zgjedhje gabim. Jam krenar që kam mbështetur kandidatin e primareve në Elbasan. Do mbështes çdo kandidat të opozitës. Kemi një përgjegjësi nga i pari tek i fundit. Unë asnjëherë nuk i kam fryrë frymës së përçarjes. Përçarja është fatale për opozitën”, deklaroi ai.

Ndërsa Korreshi deklaroi se Basha, Sali Berisha dhe Enkelejd Alibeaj i kanë marrë kostot elektorale dhe nuk duhet të jenë drejtues të PD-së, e cila sipas tij duhet të bashkohet.

“Unë e kam thënë ë të gjithë deklaratat e mia, Lulzim Basha, Enkelejd Alibeaj, Sali Berisha nuk duhet të kandidojnë nëse duan bashkimin e PD-së. Unë mendoj se ka marrë koston elektorale. Ne presim që të bashkojmë PD-në. Unë me të thënë të drejtën di që shumica e Grupit Parlamentar do të mblidhet sot. Është turp që ne nuk mblidhemi bashkë. I bëj thirrje Bardhit që të marrë inictivë për bashkim!”, theksoi deputeti./ CNA.al





Lajmet e fundit nga