web counter
LEXO PA REKLAMA!

SHKARKO APP

App Store
Google Play

E fundit!

x

Deputetët e PS-së dhe PD-së rrëzojnë vendimin e qeverisë, rritin pagat e tyre dhe të ministrave

23 Maj 2023, 19:13, Politikë CNA

Deputetët e PS-së dhe PD-së rrëzojnë vendimin e

Projektligjet e qeverisë për rritjen e pagave kanë krijuar tensione dhe përplasje.

Qeveria parashikonte të rriste pagat për administratën, ndërsa projektligjet nuk përfshinin deputetët dhe ministrat.

Edhe vetë kryeministri Edi Rama deklaroi publikisht pak ditë më parë se nuk do të lejonte që të rriteshin pagat e deputetëve dhe të ministrave të tij.

Por deputetët kërkuan me ngulm të përfshihen në rritjen e pagave. Qeveria e refuzoi sërish kërkesën e tyre dhe ia shtyu rritjen.

Këto projektligje u diskutuan sot në Komisionin e Ekonomisë, ku mes debateve deputetët rrëzuan vendimin e qeverisë me pretendimin se është prishur ekuilibri hierarkik.

Ndërsa për probleme të tjera deputetët e PS-së dhe PD-së grinden e zihen me njëri-tjetrin, këtu patën një dakordësi, duke mos shprehur asnjë hezitim. Deputetët e PS-së dhe PD-së bashkuan votat dhe rritën pagat e tyre dhe të ministrave.

Ata vendosën që pagat e tyre të rriten sipas koeficientëve. Kështu, pagat e deputetëve do të llogariten me koeficent 0.73 dhe ato të ministrave me 0.75, në një hierarki që nis me pagën më të lartë të Presidentit të Republikës.

Me ndryshimet e miratuara, paga e deputetëve shkon në rreth 310 mijë lekë nga 156 770 që e kanë aktualisht, ndërsa e ministrave rreth 330 mijë lekë të reja bruto nga 228 730 që e kanë aktualisht./ CNA.al





Lajmet e fundit nga