web counter
LEXO PA REKLAMA!

SHKARKO APP

App Store
Google Play

A duhet të dorëhiqet Berisha?/ Këlliçi: Këtë çështje e zgjidh statuti i PD-së

23 Maj 2023, 11:58, Politikë CNA

A duhet të dorëhiqet Berisha?/ Këlliçi: Këtë

Ish-kandidati për kryetar bashkie të Tiranës, Belind Këlliçi, në selinë blu ka dhënë një deklaratë për mediat ku është shprehur se zgjedhjet e 14 majit nuk ishin të lira dhe të ndershme.

Ai tha se qëllimi i mbledhjes së Kryesisë është që të evidentohen të gjitha problematikat në zgjedhje si dhe të reflektohet se çfarë nuk shkoi mirë brenda partisë.

Ndër të tjera, i pyetur nga gazetarët se a duhet të dorëhiqet Berisha, Këlliçi ka deklaruar se reflektimi nuk lidhet me dorëheqje, duke vënë theksin se do të zbatohet statuti i PD-së.

Këlliçi: Ne në periudhë reflektimi jemi, por kjo nuk do të thotë se vjedhja e zgjedhjeve nuk ka ndodhur, e nuk ka pasur manipulim, dhe që sot nuk ka socialist të pakënaqur. Mbledhja e kryesisë sot do të adresojë të gjithë problemet, nisur me ato para procesit zgjedhor, gjatë procesit zgjedhor dhe pas. Duhet të gjendet mënyra që ne të kapërcejmë çdo hatërmbetje e çdo pakënaqësi që kemi me njëri-tjetrin e të bashkohemi.

A lidhet reflektimi me dorëheqjen e Berishës?

Belind Këlliçi: Reflektim do të thotë se çfarë nuk ka shkuar mirë brenda nesh, në lidhje me lidershipin mjafton t'i referoheni statutit të PD-së e t'i merrni përgjigjet. Ka ikur koha e dëshirave personale, kjo është një çështje reflektimi që duhet të shohim se çfarë ka shkuar mirë./ CNA.al





Lajmet e fundit nga