LEXO PA REKLAMA!

SHKARKO APP

E fundit!

x

Meta në sulm, nuk përmbahet ndaj mazhorancës/ “Qendrat e votimit i kthyen në bordello”

22 Maj 2023, 19:01, Politikë CNA
Meta në sulm, nuk përmbahet ndaj mazhorancës/ “Qendrat e
Kreu i PL-së, Ilir Meta

Kreu i PL-së, Ilir Meta është hedhur në sulm ndaj mazhorancës në lidhje me rezultatin e zgjedhjeve vendore të 14 majit.

Gjatë një mbledhjeje me kryesinë e Partisë së Lirisë, Meta tha se qendrat e votimit u kthyen në bordello Rilindase ku dhunohej çdo ligj.

Ai pretendon se zgjedhjet e 14 majit janë një fitore e krimit ndaj lirisë se të zgjedhurit.

“Procesi zgjedhor i 14 majit, ishte një fitore e krimit ndaj lirisë të së zgjedhurit, shkrirje e policisë me krimin kundër vullnetit të lirë të qytetarëve. Grupet kriminale dolën hapur krah partisë pushtet e policia nuk ndërhynte e nuk paraqitej askund ku denoncoheshin të tilla veprime kriminale.

Qindra pajisje të identifikimit elektronik nuk punonin sa të gjithë e panë sa edhe kryetari i KQZ ishte viktimë e këtyre pajisjeve. Boja në gishtin e votuesve fshihej menjëherë. U gjakosën komisionarë nga kriminelë të Rilindjes në administratë e bandat e saj aktive. Qendrat e votimit u kthyen në bordello Rilindase ku dhunohej çdo ligj.

Qindra milion euro të pista u hodhën në fushatë për të blerë vota dhe një fakt që provon këtë është edhe rënia e kursit të euros. Një armatë e tërë ministrash e administratë sulmuan qendrat e votimit me presion ndaj votuesve. Dhjetëra miliona euro u hodhën në mënyrë të paturpshme për asfalt elektoral.

Për devijimin e rezultatit në momentin e fundit, një rol kryesor luajtën burgjet, shembull ishte kutia e fundit e burgut në Rrogozhinë. Detyrë e jona të thellojmë dokumentimin e krimit ligjor, të vijojmë kontestimin ligjor të çdo rezultati të kësaj natyre. Të përgatitemi për të rikthyer zërin e opozitës në pushtetin vendor, që nuk rezultonte në 4 vite”, deklaroi kreu i PL-së./ CNA.al

Lajmet e fundit nga