web counter
LEXO PA REKLAMA!

SHKARKO APP

App Store
Google Play

“Vota u ble haptas”/ Berisha: Zgjedhjet ishin vullneti i një njeriu që Kushtetutën e quan kinezëri

23 Maj 2023, 12:35, Politikë CNA
“Vota u ble haptas”/ Berisha: Zgjedhjet ishin vullneti i një
Ish-kryeministri Sali Berisha

Ish-kryeministri Sali Berisha, në mbledhjen me Kryesinë, ka folur për zgjedhjet e 14 majit, ku thekson se si asnjëherë më parë në histori, vota u ble haptas.

Berisha theksoi se ky është procesi i parë në 32 vite që nisi me deklaratën e kryeministrit se Kodi Elektoral ishte një kinezeri dhe nisur nga ky koncept këto zgjedhje do të ishin produkt i një njeriu që Kushtetutën e quan kinezëri të partisë.

“Thirra këtë mbledhje për të diskutuar mbi qëndrimet aktuale ndaj zhvillimeve postelektorale në vend.

Në krye të radhës, unë kam qenë i bindur se detyra më parësore, më kryesore e PD-së është mbrojtja e votës së shqiptarëve dhe misioni i saj themelor. Dhe zotimi solemn dhe i përsëritur yni, në mënyrë konstante.

Duke qartësuar se mbrojtjen e votës, PD-ja nuk e nënkupton një mbrojtje me armë, nuk e nënkupton një mbrojtje me dhunë.

PD me mbrojtjen e votës nënkupton, sot dhe për sa kohë të jetë forcë demokratike, përdorimin e të gjitha mjeteve të ligjshme për të nxitur votimin, për të inkurajuar votimin, për të mbikëqyrur çdo lloj dhunimi, cenimi në procesin e votimit dhe për të mbajtur qëndrimet përkatëse në vartësi të tyre.

Bazuar në këtë koncept, pas rezultatit tashmë të njohur, kandidatët, kryetarët e degëve, ju që jeni këtu, jeni angazhuar pikërisht në këtë proces. Jeni angazhuar në këtë proces dhe unë e konsideroj themelor sepse ky proces solli më shumë se kurrë ndonjëherë në historinë e këtij vendi, krim në pushtet.

Ky proces u karakterizua nga konsolidimi i një makinerie gjigante të blerjes së votës nga qeveria dhe mafia e saj.

Ky është procesi i parë në 32 vite, që nisi me deklaratën e kryeministrit se Kodi Elektoral është një kinezëri për të. Nisur nga ky koncept, të cilin ai e shpalli nga zyra e tij në kryeministri, vetëkuptohet që zgjedhjet do ishin një proces pa asnjë garanci ligjore, zgjedhjet do ishin një proces vullneti i një njeriu, që ligjin, Kushtetutën e zgjedhjeve, e quan një kinezëri”, tha Berisha./ CNA.al





Lajmet e fundit nga