web counter
LEXO PA REKLAMA!

SHKARKO APP

App Store
Google Play

E fundit!

x

312 mijë demokratët që refuzuan marrëveshjen Berisha-Basha

23 Maj 2023, 17:09, Politikë CNA

312 mijë demokratët që refuzuan marrëveshjen Berisha-Basha

Sipas shifrave që po qartësohen dita ditës koalicioni "Bashkë Fitojmë", i cili kishte në përbërje siglat e Ilir Metës e Vangjel Dules dhe prijës të deklaruar Sali Berishën, për këshillat bashkiakë ka marrë në total vetëm 247 mijë vota.

Krahasuar me zgjedhjet për Kuvendin 2021, kjo shifër është 480 000 vota më e ulët. Në zgjedhjet e kaluara për Kuvendin (2021), PD mori 622 000 vota (kurse LSI 107 000 vota).

Në këto zgjedhje PD-ja zyrtare e vetme mblodhi 103.000 vota.
Pra pothuajse po aq sa rezultati i LSI në vitin 2021! Por Berisha zgjodhi që të fshihej poshtë siglës së Ilir Metës dhe jo asaj të PD.

Nga aleanca e Berishës me Metën, Metës i janë dhuruar të paktën 83.000-100.000 vota demokratësh, që sot janë përkthyer në mandate të njerzve të Ilir Metës si anëtarë të Keshillave Bashkiakë.

Në vijim të analizave mbi shifrat, nëse shifrës prej 662.000 vota të PD të vitit 2021, i zbresim 103.000 votat që kesaj rradhe shkuan për siglën zyrtare të PD, diferenca është 559.000 vota.

559.000 - 247.000 (që dolën të votojnë) janë shifra e demokratëve që krahasuar me votat për Kuvendin 2021, preferuan të rrinin në shtëpi dhe të mos votonin as Berishën e fshehur pas Metës dhe as Bashën e fshehur pas Alibeajt.

312 mijë demokratët që refuzuan marrëveshjen Berisha-Basha

312.000 demokratë nuk votuan as Berishën dhe as Bashën.

Janë vetëm 103.000 vota demokratësh që aktualisht nuk kanë ndërruar identitet politik dhe kanë mbetur nën siglën e PD-së.

Përveç deformimit dhe falsitetit që prodhoi tek shifrat aleanca me Ilir Metën, nga të cilat PL sot ka ndarë mandate sikur të kish marrë 123.000 vota (në krahasim me vetëm 107.000 që kishte marrë në 2021), duhen parë motivet që "mbyllen" në shtëpi 312.000 demokratë në 14 Maj.

Dhe përgjigja erdhi shpejt!

E nisi Luan Baçi i cili "i hapi" lojën Gaz Bardhit dhe që të dy sipas ligjërimit personal, na njoftuan butë-butë, rikthimin në "garë" të Bashës.

Luan Baçi e quajti normal rikandidimin e Bashës per kryetar të PD kurse Gaz Bardhi harroi cilësimin si "non-grata" të Sali Berishës në intervistën e vet ku nuk u kuptua nëse fliste si Sekretar i Përgjithshem, si kryetar grupi parlamentar, si kryetar në detyrë i PD apo si dezhurn i Hotel Kotonit.

2 emisarët, nëse nuk po lançojnë pajtimin, thjesht po testojnë humorin e demokratëve. Vështirë të besosh se palët papritur u ndërgjegjësuan dhe harruan akuzat për hir të demokratëve.

Mund ta kishin bërë duke u fshehur të gjithë bashkë nën siglën PD!

312.000 demokratë që nuk dolën të votojnë ishin të bindur se kjo puna e përjashtimit të Berishës personalisht nga Luli për shkak të non-gratës ishte lojë.

Lojë për të mashtruar trupin diplomatik (mbase pranojnë Lulin pasi dogjën Berishën)?

Lojë për të faktorizuar Bashën si i sulmuar nga Berisha (mbase kështu e marrin për anti-Berish!!!)?

Lojë që Berisha të faktorizonte Metën (dhe jo të maksimalizonte votat nën siglën PD)?

Lojë që të sajonin një lider Basha-bis, pasi Basha i parë ishte thyer këmbë e duar (Berisha e thoshte!!!).

312 mijë demokratët që refuzuan marrëveshjen Berisha-Basha

312.000 demokratë sot kanë provën që "përjashtimi" ishte lojë.

103.000 që votuan PD-në zyrtare pasi besuan tek distancimi nga Berisha sot marrin zhgënjimin që u mashtruan sërish.

Dhe pasi të marrin provën e lojës që po zhvillohet tashmë prej 2 vitesh, në rastin më të mirë do u bashkohen atyre 312.000 të tjerëve e do rrinë në shtëpi në 2025.

Berisha-Basha nuk tallen dot më!

Tani nuk vlen më as që të nisin të zihen seriozisht se nuk u beson më njeri.

Në 2025 do u mbetet veç Muli, Luani, Gazi dhe Jorida.
Dhe Rama si Kryeministër!





Lajmet e fundit nga