LEXO PA REKLAMA!

SHKARKO APP

Gjekmarkaj sërish si lypës, kërkon rritje rroge

23 Maj 2023, 16:26, Politikë CNA
Gjekmarkaj sërish si lypës, kërkon rritje rroge
Deputeti Agron Gjekmarkaj

Sapo qeveria prezantoi programin për pagat disa javë më parë, deputeti Agron Gjekmarkaj kërkoi rritje rroge për deputetët.

Por duke dalë si lypës, Gjekmarkaj e ka përsëritur sërish këtë kërkesë ditën e sotme.

Teksa komentoi vendimin e Komisionit të Ekonomisë për rritjen e pagave edhe të deputetëve dhe ministrave, Gjekmarkaj tha se kjo gjë ishte e vonuar.

Ai deklaroi në një dalje për mediat se i intereson edhe vetja dhe familja e për këtë arsye nuk do të kompleksohet të kërkojë rritje rroge.

“Unë nuk e përbuz popullin, por nuk përbuz as veten. Nuk e gënjej atë e as veten. Rritja e rrogave të deputetëve është e vonuar, shumë e vonuar. Dikush e do deputetin me patjetër hajdut dhe pa dinjitet.

Personalisht refuzoj të jem si njëra anë, si tjetra e medaljes. Deputetët nuk janë nënkategori, as personazhe të realizmit socialist që nuk u intereson vetja, familja, por vetëm kauza, shoqëria, populli e vendi, as kandrram, as insekte pa sy gojë e veshë.

Nuk ka arsye që të kompleksohen për të mbrojtur një të drejtë që ju takon kur ka një rritje të përgjithshme pagash.

Populizmi është lënda e parë e demagogëve, por demagogji nëse e themi sipas Linkolnit nuk është gjë tjetër, por aftësia për të mbështjellë idetë e vogla me fjalë të mëdha. Problem mbetet e padukshmja e jo transparenca”, theksoi Gjekmarkaj./ CNA.al

 

Lajmet e fundit nga