LEXO PA REKLAMA!

SHKARKO APP

Stërvitja “Defender Europe 23”, në Shqipëri/ Berisha: I jep një mesazh të fuqishëm agresionit rus

23 Maj 2023, 16:41, Politikë CNA

Stërvitja “Defender Europe 23”, në Shqipëri/ Berisha:

Ish-kryeministri Sali Berisha ka pëshëndetur shtërvitjen e “Defender Europe 2023” që po zhvillohet në Shqipëri.

Berisha nëpërmjet një deklarate zyrtare në rrjete sociale ka theksuar rëndësinë e kësaj stërvitjeje dhe mesazhin e fuqishëm që NATO i dërgon agresionit rus.

Deklaratë e Partisë Demokratike.

Partia Demokratike e Shqipërisë përshëndet fillimin e manovrave të mëdha të NATO-s ‘Defender Europe’ 23 në Shqipëri.

Këto manovra janë të një rëndësie të madhe për Shqiperinë dhe sigurinë e saj, por edhe për paqen dhe sigurinë në Europë. Këto manovra së bashku me manovrat e NATO-s që po zhvillohen në Kosovë janë një mesazh i fuqishëm që Aleanca e Atlantikut të Veriut i dërgon agresorit rus për përpjekjet e tij për destabilizimin e rajonit dhe ambiciet e tij ekspansioniste.

Partia Demokrtatike si forca politike që anëtarësoi Shqipërinë në NATO, mbështet plotësisht garantimin e të gjitha lehtësirave në territorin tokësor, ujor dhe ajror të Shqipërisë që i nevojiten Aleancës për përmbushjen e misionit të mbrojtjes së paqes dhe sigurisë në hapsirën euroatlantike”, shkruan ai./CNA.al

Lajmet e fundit nga