LEXO PA REKLAMA!

SHKARKO APP

Alibeaj, i kënaqur me rezultatin e 14 majit/ “Humbja në zgjedhje nuk ishte disfatë”

24 Maj 2023, 15:42, Politikë CNA
Alibeaj, i kënaqur me rezultatin e 14 majit/ “Humbja në zgjedhje
Enkelejd Alibeaj

Enkelejd Alibeaj, i cili dha dorëheqjen nga posti si kryetar i komanduar në PD-në e vulës, ka folur ditën e sotme në lidhje me vendimin e tij dhe rezultatin e zgjedhjeve.

Ndonëse u braktis masivisht nga elektorati, Enkelejd Alibeaj është shprehur pasditen e sotme se dorëheqja e tij nuk ka të bëjë me rrezultatin qesharak që mori në zgjedhjet e 14 majit.

Si për t'u habitur, ai nuk e quan dështim rezultatin në zgjedhjet vendore, përkundrazi sipas tij, ky është fillimi i një rrugëtimi të ri demokratik.

“Largimi nga pozicioni drejtues nuk është i lidhur me shifrat pas zgjedhjeve. Kjo nuk ishte disfatë, Partia Demokratike ka ardhur e ridimensionuar para këtyre zgjedhjeve për gjithçka që ka ndodhur në 1 vit e gjysmë nga një agresion i brendshëm, synimi i të cilës ishte për ta ekzekutuar Partinë demokratike, por në optikën time jo vetëm që nuk është ekzekutuar, por ka mbijetuar.

Ka mbijetuar jo vetëm në çështje shifrash, se votuesit ishin të bindur që nuk po e çonin votën te fituesi, siç do ishte qëndrimi pragmatist, por besuan te kjo bindje, kjo është një mbështetje e Partisë Demokratike të së ardhmes.

Sot mund ta them dhe të gjithë do kenë mundësinë ta kuptojnë, Partia Demokratike është e pozicionuar qartësisht në filozofinë e saj demokratike. Në këto terma kjo kurrsesi nuk mund të shihet si dështim”, theksoi Enkelejd Alibeaj./ CNA.al

Lajmet e fundit nga