LEXO PA REKLAMA!

SHKARKO APP

Basha: Deputetët e mi "peshkohen" lehtë

22 Shkurt 2024, 12:20, Politikë CNA
Basha: Deputetët e mi "peshkohen" lehtë
Lulzim Basha

Kreu i “PD-së” së Vulës, Lulzim Basha, sot në një konferencë për mediat foli qartazi dhe dha mesazin se në partinë e tij i kanë ngelur vetëm deputetë pazarxhinj.

Luli, ashtu siç njihet edhe të gjithë, pranoi sot publikisht me vetëm dy fjali se nga pas e ndjekin vetëm mercenarë, apo deputetë që "peshkohen" lehtë.

E kemi fjalën për deklaratën e tij për Amnistinë Penale, ku u përpoq ta shiste si një përgjigje ndaj mazhorancës, por në fakt hallin e ka me të vetët, me ata pak deputetë që e ndjekin nga pas.

“Dëgjuam një deklarim të PS-së për arsyen se pse u hoq Amnistia. Shpresoj të jetë pjesë e gënjeshtrave të këtyre ditëve dhe të mos jetë pjesë e pazarit të gjësë së gjallë për të ‘peshkuar’ deputetë për të votuar”, kështu u shpreh Basha në konferencën me gazetarët, pas deklaratës së Bledi Çuçit, pasi mazhoranca nuk i ka ende 84 vota për të kaluar këtë projektligj.

“Opozitari” i madh, demokrati “i vërtetë”, Luli, sigurisht që i frikësohet diçkaje dhe prandaj del dhe flet publikisht.

Ndërkohë që deputetët e Gazment Bardhit dhe Sali Berishës shkojnë në Kuvend, përplasen me mazhorancën dhe nuk votojnë, Luli nga ana tjetër ka frikë se Rama i blen deputetët që ka pas.

Luli i frikësohet një blerjeje, apo peshkimi të Ramës të deputetëve të PD-së së “Vulës”, pasi me patjetër i duhen votat për kaluar projektligjin në Kuvend.

Për këtë arsye, “ekselenti” Luli, si i "zgjuar" që është, nuk i lejon mercenarët e tij të shkojnë në Kuvend, se mund të blihen menjëherë nga Rama. 

Po ku e ka hallin Luli?

Ai kërkon të marrë haraçin e radhës, apo të bëjnë marrëveshjen me Ramën, (ku sigurisht do të kërkojë përfitime) dhe prandaj mban këtë qëndrim.

Ai ka frikë se mos i peshkohen deputetët e tij nga Rama dhe ndaj nuk i lejon ata të shkojnë nëpër seanca apo të marrin pjesë në votime. 

Deri në marrjen e dhuratës apo përfitimit të radhës, Lulin do ta shohim kështu, një “trim” që po sfidon mazhorancën, dhe po i mban peng votat për Amnistinë Penale./CNA

 

Lajmet e fundit nga