LEXO PA REKLAMA!

SHKARKO APP

Si justifikohet Bledi Çuçi për tërheqjen e Amnistisë Penale

22 Shkurt 2024, 11:00, Politikë CNA
Si justifikohet Bledi Çuçi për tërheqjen e
Bledi Çuçi

Në fillim të seancës së sotme plenare, mazhoranca votoi me 74 vota pro për heqjen nga rendi i ditës të projektligjit të Amnistisë Penale.

Në lidhje me këtë vendim, kreu i Grupit Parlamentar të PS-së, Bledi Çuçi u shpreh se tërhoqën këtë projektligj, në respekt të traditës dhe që të votohet me konsensus. 

Kështu ai u justifikua në lidhje me vendimin e sotëm të mazhorancës, e cila nuk mundi të siguronte 84 vota për kalimin e këtij projektligji. 

Çuçi nënvizoi se gjithmonë do të jenë në Kuvend 84 vota për të votuar Amnistinë Penale. 


"Tërhoqa ligjin në respekt të traditës së deritanishme që ligji për Amnistinë të votohet me konsensus, sepse përfituesit për ligjin për Amnistinë, qoftë të majtë, qoftë të djathtë, janë shqiptarë, janë njerëz të thjeshtë që duhet të përfitojnë nga ky institucion kaq i rëndësishëm i drejtësisë penale. Pra qëndrimin e Lulzim Bashës e keni dëgjuar dje, nuk kam ça komentoj. Ne i kemi votat solide. 84 vota për të votuar Amnistinë Penale, janë gjithmonë në Parlament. Votat ne i kemi solide. Ka dhe të tjerë që mund ta votojnë. Ne jemi duke duruar për të respektuar traditën. Sot e tërhoqëm me respekt të traditës", u shpreh ai./CNA 

Lajmet e fundit nga