LEXO PA REKLAMA!

SHKARKO APP

Në të njëjtën linjë me PS-në/ Cilët deputetë të opozitës votuan pro marrëveshjes me Italinë

22 Shkurt 2024, 10:27, Politikë CNA

Në të njëjtën linjë me PS-në/ Cilët

Brenda 8 minutave, Kuvendi miratoi dy projektligje shumë të rëndësishme, marrëveshjen me Italinë për emigrantët dhe ndryshimet në ligjin për zonat e mbrojtura. 

Me 77 vota pro votoi Kuvendi për të kaluar projektligjin për marrëveshjen për emigrantët me Italinë.

Marrëveshja, e cila parashikon ngritjen e kampit të emigrantëve, mori edhe 3 votat e PDIU-së, konkretisht të deputetëve Mesila Doda, Shpëtim Idrizi dhe Nuret Avdullai.

Në lidhje me këtë veprim, deputetja e PDIU-së, Mesila Doda, u shpreh se për këtë çështje ka folur edhe Gjykata Kushtetuese. 

“Ishim pro marrëveshjes. Bëhet fjalë për një shtet mik, një shtet fqinj, që është në një moment krize. Ne mund të ndihmojmë për një problematikë të tyre, dhe duhet të jemi në krah të tyre. Nuk bëhet fjalë të mbështesim individë që mund të jetë Fredi Beleri, por një shtet mik”, tha ajo.

Me 74 vota pro, mazhoranca miratoi mes zhurmuesve dhe protestës së opozitës ligjin për zonat e mbrojtura.

Ndërkohë, në fillim të seancës mazhoranca votoi me 74 vota pro për heqjen nga rendi i ditës të projektligjit të Amnistisë Penale. Kjo për arsye se nuk ka 84 vota për të kaluar këtë projektligj./CNA

 

Lajmet e fundit nga