E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Financimet në sektorin fason/ Shehaj: Karagjozë miratues, pse nuk shikoni pastrimin e parave të pista

21 Shkurt 2024, 14:53, Politikë CNA

Financimet në sektorin fason/ Shehaj: Karagjozë miratues, pse nuk

Pas mbledhjes së qeverisë, ministri i Financave dhe Ekonomisë, Ervin Mete, u shpreh se qeveria do të japë 4 miliardë lekë në mbështetje të bizneseve të sektorit të industrisë përpunuese fason, të cilat kanë nevojë të përmirësojnë proceset teknologjike dhe të rrisin më tej produktivitetin.

Për këtë vendim të qeverisë, ekspertja e ekonomisë, Brisida Shehaj, shprehet në një postim në rrjetet sociale se biznesi fason sot vuan nga kursi i këmbimit.

Sipas saj, biznesi fason sot ka kosto të rritura të fuqisë punëtore, taksa të rritura për shkak të pagës minimale, shpenzime të rritura për energjinë dhe lëndë të para, ndërkohë që të ardhurat në euro që përfitojnë, u janë ulur pasi kursi i këmbimit në këto vite ka rënë me 30%.

Ajo thekson se kjo situatë është krijuar për shkak të fenomenit të pastrimit të parave që ndodh në vend.

"Biznesi fason sot vuan nga kursi i këmbimit. Pra të nderuar karagjozë propozues dhe miratues të kësaj nisme, biznesi fason sot ka kosto të rritura të fuqisë punëtore, taksa të rritura për shkak të pagës minimale, shpenzime të rritura për energjinë dhe lëndë të para, ndërkohë që të ardhurat në euro që përfitojnë pasi janë biznes 100% eksportues i janë ulur se kursi i këmbimit në këto vite ka rënë me 30% sepse ju kokat e financave nuk shihni pastrimin alarmant të parave të pista në këtë vend", shprehet ajo.

Reagimi i plotë:

Pasi dështuan me garancinë shtetërorë për bizneset e prekura nga COVID-19, pushtetarët kujtohen sot të përdorin të njëjtin mashtrim me biznesin fason. Pra, këta do ta ndihmojnë atë biznes për përmirësime tekologjike pasi u hoqën dhe përjashtimet në dogana për investimet në makineri e pajisje.
Biznesi fason sot vuan nga KURSI I KËMBIMIT. Pra të nderuar karagjozë propozues dhe miratues të kësaj nisme biznesi fason sot ka kosto të rritura të fuqisë punëtore, taksa të rritura për shkak të pagës minimale, shpenzime të rritura për energjinë dhe lëndë të para, ndërkohë që të ardhurat në euro, që përfitojnë, pasi janë biznes 100% eksportues, i janë ulur se kursi i këmbimit në këto vite ka rënë me 30% sepse ju kokat e financave nuk shihni pastrimin alarmant të parave të pista në këtë vend.
E kush është zgjidhja juaj?!?!? Vini para garanci që të marrin ata kredi për makineri???????
Tani ju o jeni aq karagjozë e mjer ekonomia dhe financat tona nga kush drejtohet ose jeni aq kriminalë sa dhe paratë që vërshojnë lumë në këtë vend.
Njerëz të dashur dhe ju që u gëzoheni këtyre parave kriminale dhe ju që u gëzoheni se keni ca prona e do t'i shisni më shtrenjtë. Betoni dhe pastrimi i parave nuk është zgjidhja, por HALLI, e besoj pas 12 muajsh do t'ia shihni hajrin sepse kjo është skemë edhe më e madhe se PIRAMIDAT./CNA