LEXO PA REKLAMA!

SHKARKO APP

PDIU bashkoi votat me mazhorancën/ Bardhi tregon nëse do të ketë “divorc politik”

22 Shkurt 2024, 10:57, Politikë CNA
PDIU bashkoi votat me mazhorancën/ Bardhi tregon nëse do të
Gazment Bardhi

Deputetët e PDIU-së bashkuan sot votat me mazhorancën dhe votuan pro për miratimin e marrëveshjes së emigrantëve me Italinë.

Marrë shkas nga ky votim, gazetarët pyetën kreun e grupit parlamentar të PD-së, Gazment Bardhin, nëse do të ketë një “divorc politik”.

Bardhi tha në një prononcim për mediat se deputetët pavarësisht se janë aleatë, partitë politike kanë bindjet e tyre për çështje të caktuara.

“Jo, komunikimi im me zotin Idrizi është i përditshëm. Përveçse kolegë ne jemi shumë miq. Besoj kryetarja e grupit, zonja Doda, ka dhënë shpjegimin e saj mbi atë çështje dhe unë nuk kam asgjë për të shtuar për këtë votë. Sigurisht, që një parti parlamentare në momente të caktuara mund të marrë vendime të caktuara për të mbështetur ose jo një projektligj”, theksoi ai./ CNA

Lajmet e fundit nga