LEXO PA REKLAMA!

SHKARKO APP

Ligji për Zonat e Mbrojtura/ Zhupa: U shërben oligarkëve

22 Shkurt 2024, 11:12, Politikë CNA

Ligji për Zonat e Mbrojtura/ Zhupa: U shërben oligarkëve

Deputetja Ina Zhupa ka folur për miratimin në Kuvend nga mazhoranca të ligjit për Zonat e Mbrojtura.

Zhupa tha se ky ligj është në shërbim të oligarkëve pranë kryeministrit Edi Rama dhe një masakër ndaj mjedisit.

Ajo deklaroi se ligji shkel shumë konventa si ajo e Bernës, ku Shqipëria aderon dhe lidhen me mbrojtjen dhe konservimin e natyrës.

"Siç e ndoqët, kjo seancë sot ka filluar me një protestë të shoqërisë civile, sepse sot në seancën plenare kaloi një ligj, i cili është përfundimisht shkatërrimi i Zonave të Mbrojtura në vendin tonë. Ky ligj është në shërbim të oligarkëve që janë pranë Ramës dhe në vetvete është një masakër ndaj mjedisit.

Ky ligj nuk bën asgjë tjetër përveçse heq mbrojtjen e Zonave të Mbrojtura dhe i kthen këto zona në sheshe ndërtimi, të cilat firmosen 'fap e fap e fap' nga Rama. Ne do të bëjmë gjithçka për ta ndaluar këtë në Gjykatë Kushtetuese.

Për këtë ligj ka reaguar BE-ja, sepse shkel shumë konventa si ajo e Bernës, ku Shqipëria aderon dhe lidhen me mbrojtjen dhe konservimin e natyrës dhe është një ligj me porosi pasi projekti në Divjakë-Karavasta është bërë gati për të ndërtuar. Dikush ka pasur sigurinë nga Rama se do të mund të ndërtojë, pasi nuk do të hidhte para në projekte.

Sot nëse ti pret një pemë në pyll, ti dënohesh, nëse vret një kafshë të egër, ti dënohesh, por nëse ti sot shkatërron dhe ndërton në mes të Zonave të Mbrojtura ku vret dhe dëmton pa fund, ti quhesh investitor strategjik. Ky është standardi, ne kemi një ligj për moratorium dhe ndalimin e prerjeve të pyjeve dhe kemi një ligj që shkatërron Zonat e Mbrojtura dhe se si qëndrojnë dy ligje në kundërshtim me njëri-tjetrin, e di vetëm Mirela Kumbaro që është ministrja më e dështuar e Kulturës dhe e Mjedisit sot dhe Rama, i cili po e trajton Shqipërinë një plaçkë. Ligjet që prekin përtej një mandati të qeverisë do të duhet të shprehet populli me referendum", theksoi deputetja./ CNA

Lajmet e fundit nga