Presione ndaj zyrtarëve dhe zarfe me para/ Skema e gazetarit gjobaxhi Elio Lazaj

Policia e Shtetit i hodhi prangat dy ditë më parë, më 12 shkurt, në mesditë, Elio Lazajt, i cili pretendonte se ishte një gazetar, dikur një mercenar tek ?Ora News?, më pas i marrë në kontroll nga një biznesmen i lidhur me botën e krimit, i shumakuzuar nga politika dhe i përdorur si një kamikaz në mbrojtje të kryebashkiakut të Tiranës, Erion Veliaj. Pra, nga armik i këtij të fundit u kthye në një shërbëtor të tij.

U fol se mori apartamente, makina, shuma të majme, por më pas vetë gazetari akuzonte se ia kishin marrë të gjitha dhe e kishin lënë me gisht në gojë.

Megjithëse policia në momentin e arrestimit i gjeti në disa zyra ku pretendohej se ekzistonin tri portale, njëri prej të cilëve kryesori i gjobëvënies.

Elio Lazaj u arrestua pasi prej dy vitesh kërcënonte, shantazhonte dhe shtrëngonte forcërisht me komunikime, por edhe me shkrimet e tij të vazhdueshme, një zyrtar të shtetit, thjesht dhe vetëm për të plotësuar orekset politike të ndonjë biznesmeni me inicialet A.D., por edhe urdhrat politikë që vinin për të sulmuar zyrtarë të caktuar të opozitës.

Sipas burimeve zyrtare të siguruara nga CNA, biznesmeni A.D, i cili po interesohet te dëshmitarët dhe njihet si njeri me lidhje të ngushta me kryeprokurorin Olsian Çela dhe të tjerë bashkëpunëtorë të Elio Lazajt, gjobaxhiut të arrestuar nga policia, po qarkullojnë fort materiale dhe po lëvizin duke kontaktuar kallëzuesit, por edhe duke kërkuar që nga Policia e Shtetit të merren dhe të ndryshohen të katër telefonat që i janë sekuestruar gazetarit gjobaxhi.

Jo vetëm kontaktet me personat e tretë, dëshmitarë apo denoncuesit e Elio Lazajt, por edhe lëvizjet e bëra për të ndryshuar telefonat, ka rënë në sy të agjencive ligjzbatuese dhe qartë po duket e gjithë skema, e cila nuk ka qenë thjesht dhe vetëm e bërë nga një dorë si gazetari gjobaxhi Elio Lazaj, por ka pasur të përfshirë edhe persona të tjerë, sa të dirigjuar nga burgu i Durrësit, sa nga mejhanet e Tiranës apo njerëz të lidhur me trafikun e drogës, krimin dhe të ekspozuar përpara SPAK-ut për vepra të ndryshme penale.

Zbërthimi i katër telefonave të gazetarit Elio Lazaj duket se ka tmerruar jo pak, jo vetëm biznesmenin dhe bashkëpunëtorët e Lazajt, por edhe të tjerë gazetarë bashkëpunëtorë të këtij individi dhe të tjerëve, persona të arrestuar që ndodhen në qeli, të cilët duket se kanë funksionuar si një grup i strukturuar kriminal.

Zbërthimi i katër telefonave të Lazajt do të sjellë edhe rrëzimin shumë shpejt të një grupi individësh që funksionojnë jo thjesht dhe vetëm si një bandë gjobaxhinjsh në krah të njëri-tjetrit, por si një strukturë mercenarësh të korruptuar në shërbim të pushtetit, që tashmë me marrjen e telefonave të Elio Lazajt, i cili nuk ka pranuar t?ia japë kodet e tij oficerëve të policisë gjyqësore, do të bëjë zbërthimin e plotë të të gjithë skemës.

Jo vetëm të sulmeve ndaj eksponentëve të caktuar të politikës, jo vetëm ndaj denigrimit, sharjeve dhe akuzave të pavërteta ndaj personazheve të ndryshëm mediatikë, por do të zbulojë qartazi se si portale anonime tashmë do të konfirmohen se nga kush menaxhohen, kush drejtohen.

Duke u krijuar e gjithë skema e grupit të strukturuar kriminal, pritet që dosja e Elio Lazajt t'i kalojë SPAK-ut për hetime të thella, për të zbuluar të gjithë të vërtetën që fshihet pas një bande kriminale me individë të përfshirë në gjobëvënie, shantazhe, kërcënime, denigrime, mashtrime, fyerje, që kanë funksionuar si një klan mafioz në media për qëllime bandash, për qëllime të grupeve të caktuara kriminale, trafikantëve të drogës, personave të arrestuar nga SPAK-u apo atyre në hetim dhe kryesisht zyrtarëve të shtetit sipas pagesave të majme mujore.

Këto tashmë jo vetëm janë zbërthyer, por pritet të konfirmohen edhe ligjërisht për të çuar në bankën e të akuzuarve një nga një të gjithë personat përgjegjës./ CNA

Dje, rreth orës 13:00 të mesditës, Policia e Shtetit në bashkëpunim me Prokurorinë e Tiranës organizuan operacionin “Portali 1”, ku kanë arrestuar në flagrancë shtetasin Elio Lazaj, i cili është kapur duke marrë një shumë të madhe parash nga një zyrtar shteti, të cilin e sulmonte duke shpifur, duke akuzuar, duke kanosur, duke mashtruar publikisht për gati 2 vite. (LEXO KETU)

Sipas hetimeve, është siguruar se dy vite më parë Lazaj i ka kërkuar zyrtarit të shtetit rreth 40 mijë euro.

Më pas ka hequr një pjesë të shkrimeve, ka filluar sërish më vonë ta sulmojë dhe tani ka bërë negociata, ka kërkuar shuma të majme parash që fillonin nga 20 mijë euro për t’i hequr shkrimet dhe për të mos shkruar më për të.

Por duhet theksuar se nga ana tjetër kishte urdhra politikë që të shkruhej ndaj zyrtarit, por qëllimi kryesor ishte denigrimi i shtetasit Belind Këlliçi.

Ky i fundit ka bërë dhe një kallëzim në Policinë e Tiranës ku ka theksuar dhe arsyen e këtyre sulmeve që janë me qëllime politike nga segmente dhe struktura të caktuara të lidhura me kryebashkiakun e Tiranës, Erion Veliaj, dhe individë të botës së krimit që menaxhojnë media anonime online, portale sharëse, shpifëse dhe denigruese.

Sipas të dhënave të siguruara nga CNA, hetimi vazhdon nga prokurori Asllan Bajramaj dhe Lazajt i janë sekuestruar edhe katër telefona, të cilët pritet të zbërthehen për të zbuluar më tej detajet, pasi hetuesit dyshojnë që kemi të bëjmë me një grup kriminal ku nuk është vetëm Lazaj, por edhe individë të tjerë të cilët e financonin, e mbështesnin.

Po zbërthehet një skemë edhe më e gjerë, pasi materiale të ndryshme shkrimesh, shpifjesh dhe fyerjesh qarkullojnë në disa portale online dhe dyshohet se ato dirigjohen nga e njëjta dorë.

Sipas të dhënave të siguruara nga CNA, prokurori i Tiranës, Asllan Bajramaj, ka mundur të sigurojë vendimin e gjykatës për shtetasin Elio Lazaj, për ta mbajtur për një periudhë të gjatë në përgjim.

Më pas janë kryer regjistrimet me audio dhe video, të cilat tregojnë qartazi momentet kur Lazaj kanos dhe shtrëngon zyrtarin e shtetit për t’i marrë shumat e parave për t’i hequr shkrimet dhe për të mos e sulmuar më tej.

Akuza e publikuar nga Policia e Shtetit në njoftimin e djeshëm thekson se shtetasi Elio Lazaj akuzohet sipas nenit 109/b të Kodit Penal:

"Shtrëngimi me anë të kanosjes dhe dhunës për dhënien e pasurisë", në paragrafin e parë, i cili thekson se: "Shtrëngimi me anë të kanosjes dhe dhunës për të kryer ose mos kryer një veprim të caktuar për të përfituar padrejtësisht pasuri ose çdo lloj përfitimi tjetër, për vete ose për të tretë, dënohet me burgim nga dy deri në tetë vjet heqje lirie".

Sipas Kodit Penal, nenit 109/b, të cilin e keni më lart në foto, Elio Lazaj rrezikon minimalisht nga dy deri në tetë vite burg në situatën penale që ndodhet tashmë.

CNA ka siguruar gjithashtu të dhëna të tjera, të cilat lidhen me dënimin me kusht të shtetasit Lazaj për armëmbajtje pa leje dhe drogë.

Gjithashtu, disa dënime dhe gjyqe të tjera të ndodhura në Gjykatën Penale të Tiranës, siç është fyerja e bërë në mënyrë të përsëritur, në të njëjtën formë duke përdorur portalet e tij, rrjetet e tij sociale për të intimiduar, kanosur, sharë, fyer dhe dëmtuar jo vetëm imazhin, por me një qëllim të caktuar denigrimin e personazheve të ndryshëm sipas urdhrave që ai merrte.

Prandaj, duke parë këto të dhëna, një ekspert ligjor i tha CNA-së se Lazaj rrezikon më shumë sesa dy vjet burg të paktën, pasi prokurori Asllan Bajramaj në situatën që ndodhet i pandehuri nuk do të kërkonte kurrë minimumin, në çfarëdolloj rasti edhe sikur ai të ishte bashkëpunëtor apo i penduar, për shkak se është dënuar më parë, është përsëritës në vepra të ndryshme penale dhe këtë herë është kapur në flagrancë.

Minimalisht prokurori Asllan Bajramaj do të kërkonte të paktën pesë deri në gjashtë vite heqje lirie për shtetasin Lazaj. Më pas është gjykata ajo që jep vendimin duke parë faktet, rrethanat dhe provat e siguruara nga prokuroria.

Sipas Kodit Penal, minimalisht Lazaj do të dënohej dy vite burg, por duke qenë se është i dënuar me kusht, ka kryer dhe vepra të tjera penale shumë të rënda, por dhe përsëritës, Lazaj rrezikon ndoshta dhe dyfishin e këtij dënimi.

Flasim për pjesën e hetimeve deri në këto momente, pa shkuar më tej te zbërthimi i telefonave të sekuestruar nga policia që kanë shqetësuar jo pak individë në qarqet politike të kryeqytetit, të cilët dyshohen të lidhur me Elio Lazajn në funksion të një grupi të strukturuar kriminal në media për të shantazhuar, kërcënuar, denigruar, për të vendosur gjoba ndaj individëve të ndryshëm, por edhe duke pasur fokus politikën dhe goditjen e kundërshtarëve, kryesisht ata të opozitës, por edhe personazhe të pushtetit të cilët nuk kanë pranuar të bëjnë shërbimet për këta individë.

Por kjo pritet të zbardhet nga zhbllokimi i telefonave dhe dalja e plotë e urdhrave që Elio Lazaj ka marrë nga të tretët./ CNA

CNA raportoi ekskluzivisht arrestimin e gazetarit gjobaxhi Elio Laze i cili u ndalua në Tiranë në kuadër të operacionit ?Portali 1?, pasi u kap në flagrancë duke marrë para për të fshirë shkrime dhe për të kryer shantazh ndaj një zyrtari.

Burime për CNA bëjnë me dije se pseudogazetarit gjobaxhi Elio Laze i janë sekuestruar katër telefona, të cilët do të ekspertohen.

Të njëjtat burime për CNA thanë se Laze nuk ka pranuar të japë kodet për t'u zhbllokuar celularët dhe pritet që ekspertët t'i zhbllokojnë telefonat dhe të zbardhin komunikimet e plota për të parë raste të tjera të gjobëvënies, por dhe të bashkëpunimit me persona të tjerë që mund të jenë përfshirë në këtë skemë kriminale, e cila përfshin gjobvënie, shantazhe, kërcënime, urdhra politikë për sulme, heqje shkrimesh, materiale të porositura me pagesë etj.

Dyshohet se me zbërthimin e telefonave mund të zbulohet një grup i gjerë kriminal në media, jo vetëm Elio Laze, por edhe persona të tjerë, të cilët kanë qenë në survejim të plotë nga Prokuroria e Tiranës dhe Policia. Hetimet pritet të zbardhin të vërtetën.

Kujtojmë se CNA raportoi sot ekskluzivisht lajmin për arrestimin e pseudogazetarit gjobaxhi Elio Laze, pasi i kishte vënë gjobë një zyrtari të shtetit.

Elio Laze vijonte të përdorte skemat e tij me sharje, kërcënime, shantazhe dhe fyerje nëpërmjet një portali dhe pas shumë hetimeve të kryera nga Prokuroria e Tiranës, policia i ka hedhur sot prangat me vendim gjykate.

CNA mësoi se gazetari gjobaxhi i kishte kërkuar shuma të mëdha parash zyrtarit dhe është kapur në flagrancë nga uniformat blu teksa zyrtari po i jepte paratë./ CNA

CNA ka mësuar ekzkluzivisht ditën e sotme se është vënë në pranga gazetari gjobaxhi, Elio Laze.

Zyra ku u arrestua Elio Laze

Sipas informacioneve të siguruara nga CNA, gazetari është arrestuar pasi i kishte vënë gjobë një zyrtari të shtetit.

Po kush është gazetari gjobaxhi, Elio Laze?

Elio Laze është një nga veglat e një biznesmeni të shumëpërfolur për lidhjet e tij me Erion Veliajn.

Dikur gazetar në “Ora News” që sulmonte kryebashkiakun e Tiranës, më pas “gëlltiti një lugë çorbë të prishur”, të cilën me sa duket e volli sot kur e arrestoi Policia e Shtetit.

Gazetari i arrestuar, Elio Laze

Laze u "ble" nga Veliaj, megjithatë nuk i shërbeu as atij, pasi nuk është hera e parë që Laze arrestohet.

Pseudogazetari që bleu Veliaj, u kap me drogë dhe armë në vitin 2022, në vend që t’i shërbente Veliajt, ky i fundit duhej ta nxirrte nga burgu.

Më pas me ndërhyrje të forta politike është çuar në spital dhe nuk ka bërë asnjë ditë burg.

Megjithatë këto nuk janë veprat e vetme penale që ka kryer pseudogazetari Elio Laze, të cilat CNA i ka raportuar edhe më herët.

Në vitin 2023, Laze është dënuar nga gjykata për shpifje, gënjeshtra dhe fyerje.

Kamikazi Laze ka bërë sulme të shumta ndaj CNA-së, ndaj stafit dhe ndaj editorit, por si gjithmonë ne ndoqëm një rrugë, rrugën ligjore. Laze mori përgjigjen që meritonte, me vendim gjykate u shpall shpifës, mashtrues dhe fyes.

Ndaj Lazes ka dhjetëra kallëzime. Së fundi është kallëzuar edhe nga CNA dhe gazetari Elvi Fundo.

Për Lazen ka kallëzime nga dhjetëra biznese dhe individë. Mësohet se një tjetër kallëzim është bërë dhe nga deputeti i Partisë Demokratike, Belind Këlliçi, për shpifje, fyerje, të cilat bëhen nëpërmjet portaleve të tij online.

Portale pas të cilëve fshihej për të vendosur gjoba ndaj zyrtarëve./CNA

CNA publikoi sot lajmin ekskluziv të arrestimit të gazetarit gjobaxhi, Elio Laze, në zyrën e portalit të tij ku punonte në flagrancë duke marrë para. 

Elio Laze vazhdonte skemën e tij të sharjeve, kërcënimeve, shantazheve dhe fyerjeve nëpërmjet një portali dhe pas shumë hetimeve të kryera nga Prokuroria e Tiranës, policia i ka hedhur sot prangat me vendim gjykate.

CNA ka mësuar se gazetari Elio Laze është arrestuar nga Policia e Shtetit pasi prej muajsh sulmonte në portalin e tij dhe i vendoste gjobë një zyrtari të shtetit.

Zyra e Elio Lazes

Prej dy vitesh, gazetari Elio Laze shantazhonte një zyrtar duke shpifur, shkruar e kërcënuar gjoja në lidhje me një "call center" dhe më pas akuza të tjera edhe me zyrtarë të opozitës. 

Mësohet se Laze fillimisht ka kërkuar 40,000 euro dhe më pas një shumë tjetër më të vogël, rreth 10,000 euro, por në momentin kur zyrtari ka shkuar për t'i dhënë paratë, janë shfaqur uniformat blu, oficerët e Policisë Kriminale dhe Krimit Ekonomik, të cilët i kanë hedhur prangat gazetarit gjobaxhi.

Elio Laze nuk është një personazh i panjohur. Ai prej vitesh ka qenë në fokus të rrjeteve sociale apo mediave online. Ai ka punuar si gazetar më parë tek "Ora News" dhe më pas u shit tek Erion Veliaj, kryebashkiaku i Tiranës, i cili nëpërmjet një biznesmeni mundi ta merrte nën kontroll Elio Lazen.

Laze prej kohësh punonte me një portal të tijin, ku siç dhe u konfirmua tashmë, vendoste gjoba në mënyrë të pandalshme duke shfrytëzuar hapësirën e tij në portal me një gjuhë urrejtjeje, fyese, kërcënuese, shantazhuese, sharje, intimiduese deri në kanosje.

CNA gjithashtu më parë ka raportuar se Elio Laze është arrestuar disa vite më parë me armë dhe me drogë, por nuk bëri asnjë ditë burg pasi me ndërhyrje të forta u shpëtua nga një prokuror, i cili u shkarkua nga vetingu. Dyshohet se është i njëjti biznesmen, i cili “bleu” Lazen nga "Ora News" për pazar me Erion Veliajn, që ka ndërhyrë për ta çuar Elio Lazen në spitalin e burgut në momentet e arrestimit të tij me armë dhe me drogë. Më pas Laze u dënua me kusht.

CNA gjithashtu ka raportuar se Elio Laze është dënuar disa herë nga Gjykata e Tiranës për vepra të ndryshme të fyerjes, shpifjes, të bëra në median online. Ai është dënuar në një gjyq përballë gazetarit Elvi Fundo dhe tashmë ka një tjetër proces gjyqësor të hapur, i cili me sa duket me arrestimin e tij për gjobëvënie, do të nxjerrë në pah edhe fytyrën e vërtetë të këtij gjobaxhiu, i cili nuk është i vetmi në tregun e pistë të medias online në Shqipëri./CNA