E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Pse mbajnë erë votat e Blendi Gonxhes

19 Maj 2025, 14:44, Editorial CNA

Blendi Gonxhja

Ministri i superfuqishëm i Edi Ramës, Blendi Gonxhja, rezulton të jetë një nga më të votuarit në Qarkun e Tiranës, ku janë numëruar 1282 kuti votimi brenda vendit dhe rreth 30 mijë zarfe jashtë vendit.

Pra, rreth 70% të votave që vijnë nga jashtë, pasi ato brenda vendit kanë përfunduar, Blendi Gonxhja është me rreth 24 mijë vota.

Rezultatet e Blendi Gonxhes në Tiranë

Me një makineri shtetërore, me një strukturë të madhe në dispozicion, Blendi Gonxhja arriti të çmontojë struktura të mëdha të socialistëve dhe duke i futur ato në thesin e tij, në Kombinat, në Vorë, në zona të ndryshme të Tiranës ku raportohet se ka pasur lidhje dhe me grupet kriminale të cilat kanë bërë një devijacion vote drejt Blendi Gonxhes.(LEXO KETU)

Votat e Blendi Gonxhes mbajnë erë.

Ndryshe nga Erion Braçe, i cili renditet i dyti me rreth 1 mijë vota më pak.

Rezultatet e Erion Braçes në Qarkun e Tiranës

Braçe në pak kohë fushatë në Tiranë, doli vetë, ishte aktiv në rrjetet sociale, fliste për problematikat e njerëzve, kritikë me të tijtë, me nerv, me agresion, dikush nuk e besonte kurrë se do të fitonte, nuk e vlerësonte, por ngelet një socialist i vjetër llafazan, pro qytetarëve deri diku, në një betejë që brenda llojit vjen Blendi Gonxhja, diku një nga fytyrat më të urryera në Tiranë.

Erion Braçe, akuza të tjera Bashkisë Tiranë
17 Prill, 14:23
Braçe, akuza Veliajt për transportin publik në Tiranë
11 Prill, 12:22

Kujtojmë këtu përmbytjen që i ndodhi kryeqytetit kur ishte nënkryetar bashkie dhe në atë kohë u largua nga Shqipëria, iku në Greqi.

Tirana në vitin 2002

U përfshi në biznes, agjenci autobusësh. Më pas u kthye në një kritik të Ramës dhe dalëngadalë u bë drejtor patentash, duke u kthyer në një superministër me pretendimin se mund të jetë kandidat për bashkinë e kryeqytetit. (LEXO KETU)

Blendi Gonxhe, ministri i ri i avazeve të vjetra
8 Janar, 18:08

Në fakt, Blendi Gonxhja nuk është rastësisht me aq shumë vota. Votat e tij mbajnë erë jo për shkak se ka përdorur vetëm administratën, jo për shkak se ka përdorur biznesin, jo për shkak se rryma të caktuara të krimit kanë kaluar në mbështetje të këtij të fundit, pasi u ka premtuar se ai nesër mund të jetë kryebashkiaku i Tiranës, Blendi Gonxhja mposhti socialistët e karrierës, por i përballur me Erion Braçen i jepet një leksion se dikush punon drejt e drejt si socialist, dikush kërcen, futet në gjiriza, 'hyn e del në kënetë' siç ka qejf ta thotë dhe kryeministri ynë, dhe më pas del njeriu më i votuar në Tiranë.

“Shpërdorim detyre, tendera korruptiv”/ Blendi Gonxhe paditet në SPAK
20 Gusht, 11:13

Nuk çudit vota e Fatmir Xhafajt apo Ornaldo Rakipit, e Xhemal Qefalisë. Mjafton të shikosh diferencën e Blendi Gonxhes me Anila Denajn, të shikosh se ku është Pandeli Majko apo Blerina Gjylameti.

A ka më peshë Blendi Gonxhja se këta që përmendëm më lart?

Peshën e ka vetëm nga firma dhe vula e ministrit, asgjë më shumë se kaq, sepse në të njëjtin nivel me të është edhe Ervin Hoxha, ministri i Brendshëm, që akuzohet se shumë struktura të ministrisë, institucione në varësi, i ka përfshirë në fushatë.

Denoncimi: Blendi Gonxhja, hajduti i neveritshëm që u bë superministër me 3 portofole
15 Janar, 19:28

Por, Gonxhja “shkëlqen”

Shkëlqen me llumin e tij të votave të përziera sa me krimin, sa me blerjen, sa me shitjen, sa me përfshirjen e administratës që në fakt është bërë me një qëllim të vetëm, kandidimin e tij të mundshëm si kryebashkiak i Tiranës, me shpresën se kryeministri Edi Rama do të shkarkojë Erion Veliajn dhe bashkë me tri bashkitë e tjera të Matit, Tepelenës dhe Beratit do të futë në zgjedhje edhe kryeqytetin.

Rama shpërblen besnikun e tij me një ministri/ Lidhja e ngushtë me Blendi Gonxhen
8 Janar, 16:06

Nuk është e paqëllimtë gara, lëvizjet dhe veprimet e Blendi Gonxhes me votat e tij që qelbin erë dhe për ta kuptuar këtë mjafton të shikosh rezultatin si një nga njerëzit më të votuar në Shqipëri.

Në një fushatë jo aq agresive sa Erion Braçe, jo aq agresive sa të tjerë në dukje, por me skuta të nëndheshme, me aleanca të pista, që tregohen nga rezultati i votave në kryeqytet që nga Vora kryesisht ku doli numërimi i parë e deri te votat e Kombinatit apo zonat e tjera të Qarkut të Tiranës ku Gonxhe shtriu tentakulat e tij deri në ndotjen e tyre me krimin./ CNA