web counter
LEXO PA REKLAMA!

SHKARKO APP

App Store
Google Play

Denoncimi: Blendi Gonxhja, hajduti i neveritshëm që u bë superministër me 3 portofole

15 Janar 2024, 19:26, Politikë CNA

Denoncimi: Blendi Gonxhja, hajduti i neveritshëm që u bë

Një denoncim i fortë ka ardhur nga ish-kryeministri Sali Berisha për ministrin e ri të Edi Ramës, Blendi Gonxhen.

Gjatë fjalës së tij për protestuesit, Berisha tha se Gonxhja është një nga hajdutët më të neveritshëm dhe më të shpërfytyruar të Shqipërisë që u bë superministër me 3 portofole.

Ai ngriti akuzat se Goxhja përmbyti Tiranën, bleu pemë me pemë me 6500 euro copën, rikonstruktoi dy herë në vit zyrat e tij dhe ndërtoi shërbimin e sekserëve.

“Sot, një nga hajdutët më të neveritshëm, më të shpërfytyruar të Shqipërisë bëhet superministër me tre portofole. Blendi Gonxhja është njeriu që përmbyti Tiranën, është hajduti që blinte pemë me 6500 euro copën.

Është vjedhësi i neveritshëm që rikonstruktonte dy herë në vit zyrat e tij vetëm për të vjedhur.

Është njeriu që ndërtoi në një shërbim shumë të rëndësishëm për qytetarët, sistemin më të neveritshëm të sekserëve të tij, për t’i vjedhur, për të mbushur xhepat, për të pasuruar veten dhe familjen e tij.

Blendi Gonxhe është hajduti që përfundoi para pak muaj të ndërtojë ndërtesën e drejtorisë së tij me një kosto 1350 euro metrin katror. Natyrisht ai vodhi të paktën 70-80 përqind të kostos dhe asnjë diskutim me ato ai u bë ministër, sepse i ndau me bosin e tij, që ndan dhe pret, që vjedh edhe kur flen dhe ky është Edi Rama.

Miqtë e mi, fati i Shqipërisë, e ardhmja e Shqipërisë është në duart tuaja. Është në guximin tuaj. Në ndërgjegjen tuaj. Në qëndresën tuaj. Me Edi Ramën, të ardhme nuk ka”, theksoi Berisha./ CNA





Lajmet e fundit nga