E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Vjedhja” e vërtetë e zgjedhjeve të 11 majit!

14 Maj 2025, 16:12, Editorial CNA

“Vjedhja” e vërtetë e zgjedhjeve të 11 majit fshihet direkt te sistemi elektoral, te ndarja e votave. Të gjitha të tjerat, pra akuzat e hedhura për blerje, shitje, keqpërdorim të administratës apo “treni bullgar”, etj., nuk e ndryshojnë vendimin e sovranit. Kjo është e saktë dhe e provuar.

Pikërisht edhe për shkak të këtij sistemi, i cili në fakt është totalisht i deformuar. Po të shohim përqindjet dhe mandatet që përkthehen, Partia Socialiste rezulton të ketë 52.15% në rang kombëtar, kuptohet që duke i shtuar edhe votat që kanë ngelur, votat e diasporës. Me rreth 730 mijë vota, socialistët kanë ruajtur “magazinën e tyre elektorale”. Por këto 52.15% të votave, shkojnë nga 83 në 85 vende në parlament, që janë shumë më shumë sesa jep përqindja e mandateve. Por formula ia shton.

“Vjedhja” e vërtetë e zgjedhjeve të 11 majit!

Pikërisht këtu qëndron vjedhja!

Pra, socialistët me 52.15%, duhet të kishin 72, 73 apo 74 vende në parlament. Kanë 52.15%, por po shkojnë në 84 vende në parlament apo në 85.

“Vjedhja” e vërtetë e zgjedhjeve të 11 majit!

Pse ndodh ky fenomen?

Ndodh sepse përqindja ndahet në rang rajonal, pra votat përpjesëtohen në mandate sipas çdo qarku, pra 12 qelizave apo njësive zgjedhore që ka Shqipëria. Ndërkohë, në votën kombëtare, problemi qëndron ndryshe. Po marrim si shembull Partinë Mundësia të Agron Shehajt. Ka rreth 50 mijë vota, por ka vetëm 2 mandate në rang kombëtar, të cilat i ka marrë në Tiranë, për shkak të 20 mijë votave që ka marrë në kryeqytet. Por votat e tjera, shkojnë te koshi i socialistëve.

Demokratët kanë 34.26%, rreth 52 deri në 53 ulëse në parlament. Diku më shumë apo më pak, sërish jemi përballë të njëjtit fenomen.

E njëjta situatë me Lapajn, i cili ka shumë vota. E njëjta situatë me Tom Doshin, që ka 3.38 % dhe rreth 47 mijë vota, ndërsa ulëse ka 3. Të gjithë bashkë, të vegjlit, Nisma Thurje, Shqipëria Bëhet, Lëvizja Bashkë, PSD, Mundësia, Partia e Dash Shehit me rreth 5 mijë vota. Të gjithë bashkë kanë 11.78% të votave, sipas të dhënave zyrtare nga KQZ, por ende kjo është jopërfundimtare sepse mungojnë votat e diasporës. Pra, në total, kanë 165,748 vota. Përkthyer në mandate, kanë marrë: 2 mandate Partia Mundësia, 1 mandat “Shqipëria Bëhet”, 1 mandat Lëvizja Bashkë, 3 mandate nga partia e Tom Doshit, pra janë 7 mandate.

“Vjedhja” e vërtetë e zgjedhjeve të 11 majit!

Në fakt, nga totali i votave, po të llogariten si përqindje dhe sipas numrit që kanë marrë në rang kombëtar, ulëset që u takojnë në parlament janë rreth 20, pra 3 herë më shumë.

Dhe ç’ndodh? Një fenomen tjetër!

Me rreth 730 mijë vota, Partia Socialiste merr 83 apo 84 mandate, ku një mandat shkon nga 8500 në 9000 vota, kurse po të llogarisësh në rang kombëtar votat e Partisë Mundësia me rreth 50 mijë, ka marrë 2 mandate dhe 2 mandate shkojnë në 16 mijë vota.

E njëjta situatë edhe me PSD-në e Tom Doshit. E njëjta situatë edhe me “Shqipëria Bëhet”, Nisma Thurja dhe partitë e tjera të vogla.

Dhe e gjithë kjo pasojë vjen për shkak të sistemit proporcional rajonal, që këtë herë ka prodhuar ligjërisht mandate defektoze për mazhorancën, në dëm të partive të vogla.

“Vjedhja” e vërtetë e zgjedhjeve të 11 majit!

Si zgjidhet?

Zgjidhja është shumë e thjeshtë. Një sistem proporcional rajonal me korrigjim kombëtar. Minimalisht duhet korrigjim kombëtar që t’u japë çfarë u takon partive të vogla, por edhe opozitës. Edhe mazhorancës, me 52.15% të votave, i takonin 73 ulëse në parlament. Partitë e vogla kanë më pak vende sesa kanë përqindje në rang kombëtar. Pra, janë të papërfaqësuara ato vota, kurse socialistët me më pak vota, përfaqësojnë më shumë qytetarë.

Por, deri tani, kjo zgjidhje nuk jepet nga partitë e mëdha për shkak se do t’i krijonte një ngërç në formimin e qeverisë, jo të gjithë mund të arrijnë 51% të votave, mund të kishte shpesh zgjedhje të parakohshme, mund të kishte edhe balotazhe, që tashmë janë hequr nga koncepti politik i Shqipërisë.

Zgjedhjet e 11 majit/ Ja numri i fletëve të pavlefshme nga votimi në 12 qarqe
13 Maj, 20:17

Por në fakt, ne jemi përballë rezultateve, ku në përqindje ka parti që marrin më shumë ulëse në Kuvend, ka parti që kanë më shumë përfaqësues, ka parti që vota u vlen më pak, siç është rasti i PS-së që mandati shkon nga 8500-9000 vota dhe parti që mandati u shkon nga 15-20 mijë vota.

Ky është një deformim total i mënyrës së përfaqësimit dhe ky sistem proporcional rajonal tregon që defekti i tij është thjesht dhe vetëm t’i japë sa më shumë siguri dhe zgjatim pushtetit, partisë, që qëndron në mazhorancë.

“Vjedhja” e vërtetë e zgjedhjeve të 11 majit!

Ky është një fakt, tashmë i provuar. I dha Edi Ramës mandatin e katërt, me të njëjtat votat që ka pasur në vitin 2021 apo me më pak prej tyre. Edi Rama sot ka më shumë mandate. Kurse opozita e mbledhur në total shkon rrotë më rrotë me mandatet e socialistëve të Ramës, por nuk i ka këto ulëse në Kuvend, thjesht dhe vetëm i ka në përqindje po të mblidhen të gjitha së bashku dhe nuk prodhojnë asgjë. Thjesht, në finale, Rama është kryeministër me 83-85 mandate, për shkak të një deformimi që sjell sistemi zgjedhor dhe kjo mund të quhet vjedhje e ligjshme e mandateve./CNA