web counter
LEXO PA REKLAMA!

SHKARKO APP

App Store
Google Play

E fundit!

x

Rama e shpërbleu me post ministri/ Blendi Gonxhja bëhet me "flatra"

9 Janar 2024, 09:07, Aktualitet CNA

Rama e shpërbleu me post ministri/ Blendi Gonxhja bëhet me

Blendi Gonxhja ka reaguar pas ndryshimeve në Qeveri, ku Rama propozoi emrin e tij si ministër i Ekonomisë, Kulturës e Inovacionit.

Me anë të një statusi në rrjetet sociale, Gonxhja thotë se emërimi i tij është sfidues, ndërsa ka shprehur vlerësime për kryeministrin Edi Rama.

Ai deklaron se privilegji për pozicionin e ministrit vjen me përgjegjësi të jashtëzakonshme për të punuar.

“Jam thellësisht i nderuar për vlerësimin e besimin e Kryeministrit Rama në këtë emërim kaq sfidues! Një privilegj që vjen me përgjegjësi të jashtëzakonshme e përkushtimin për të punuar me pasion e përulësi për të shërbyer me ide e zgjidhje për më shumë qytetarë e sektorë në vend!”, shkruan Gonxhja në rrjetet sociale.

Kujtojmë se Rama e shpërbleu Blendi Gonxhjën me ministrinë e re të krijuar, duke e rritur në detyrë nga posti që kishte se drejtor i Drejtorisë së Përgjithshme të Shërbimeve të Transportit Rrugor. 

Rama largoi Elva Margaritin, shkriu Ministrinë e Kulturës dhe krijoi Ministrinë e Ekonomisë, Kulturës dhe Inovacionit.

Kreu i qeverisë dhe Gonxhja njihen për miqësinë e tyre. Para se t'i jepte pozicionin e drejtorit të Transportit, Rama e mbajti Gonxhjën si nënkryetar i Bashkisë Tiranë në vitin 2000, kur drejtonte vetë bashkinë. Gjithmonë ai është njohur si një nga besnikët e kreut të qeverisë. 

Për aludimet se midis tyre mund të ketë pasur debate, ka qenë Blendi Gonxhja, ai që ka shuar zërat dhe ka thënë që nuk ka pasur konflikte asnjëherë me kreun e qeverisë./ CNA





Lajmet e fundit nga