web counter
LEXO PA REKLAMA!

SHKARKO APP

App Store
Google Play

Sulmuan demokratët/ Si justifikohet “ushtari” i Bashës për dhunën në protestën e 8 janarit

8 Janar 2024, 16:07, Aktualitet CNA
Sulmuan demokratët/ Si justifikohet “ushtari” i Bashës
Roland Bejko

Ushtari i Luli Bashës, Roland Bejko, është justifikuar për dhunën që kryetari i tij i vulës ushtroi në protestën e 8 janarit të 2022 ndaj demokratëve të cilët donin të hynin në shtëpinë e tyre.

Gjatë një interviste në një emision, ushtari i Bashës u shpreh se në 8 janar është futur në kurth pasi ishte njoftuar me një mesazh që mund të shkonte në seli dhe kur ka mbërritur ka parë demokratët dhe selinë e blinduar.

Ai u shpreh se ishte dakord për blindimin e selisë pasi Berisha kishte paralajmëruar se do të nxirrte Bashën nga zyra. 

 “Pse u blindua Partia Demokratike? Unë isha dakord ditën e fundit, kur pashë që Berisha kishte lëshuar jehona nga mali për të thënë që unë do t'ju sulmoj 'do e nxjerr Lul Bashën me pekule nga zyra'. Gaz Bardhi ishte atje, asistonte në saldimin e blindit të Partisë Demokratike.

Tani le të thotë pse e blinduam Partinë Demokratike, pse na futën në sherr, pse ne na çuan deri në kufijtë e eliminimit fizik se mund të kishte marrë edhe ndryshe ajo rrjedhë ato ditë. Unë jam gjendur si në kurth aty. Sepse më ka ardhur një sms 'hajde se s’ka problem', unë shkova aty brenda dhe gjeta njerëzit e Berishës.

Protesta e Berishës ishte njoftuar në orën 12:00 të mesditës, ata kishin shkuar që në 10:30. Sot me këto përqafime dhe me pirueta që bëjnë këta, mund të ishin në borxh me familjen e ndonjërit që mund të humbte jetën aty”, ka deklaruar Roland Bejko./ CNA





Lajmet e fundit nga