web counter
LEXO PA REKLAMA!

SHKARKO APP

App Store
Google Play

E fundit!

x

Katër pyetje për avokatët e grupit “Viso dy paketa”

15 Mars 2025, 15:20, Editorial CNA
Katër pyetje për avokatët e grupit “Viso dy paketa”
Erion Veliaj

Avokatë, të cilët ushtrojnë detyrën pasi janë larguar nga sistemi i drejtësisë në forma të ndryshme, i pari Ermir Beta (e gjeni këtu pse ka ikur) dhe Artur Selmani, (e gjeni këtu pse ka ikur), të cilët tashmë kanë pjesë të grupit të tyre zotin Maks Haxhia, i famshëm në rrjete për thënien e tij “Viso dy paketa”. (LEXO KETU)

Le ta quajmë grupi i avokatëve “Viso dy paketa”.

Disa pyetje publike për ta, të cilëve ne do t’u japim përgjigje ditë pas dite, orë pas ore, përtej skenarëve manipulativë të krijuar në forma të ndryshme komunikimi për të kërkuar që opinioni publik të besojë të pavërtetat e tyre.

Së pari, le të pyesim Ermir Betën

A ka përgënjeshtruar ndonjëherë ky zotëri deklarata të shpërndara në emër të avokatëve?

Pak kohë më parë u bë një publikim në media dhe tha se ishte nga zyra e avokatisë së zotit Veliaj. Ermir Beta është kontaktuar dhe e mohoi.

Pra, kush i shpërndante këto materiale pa dijeninë e avokatëve të grupit “Viso dy paketa”, megjithëse ky grup është krijuar më vonë?

Pyetja e dytë

Pasi ka përfunduar seanca e parë në Gjykatën e Apelit, dokumentet e dorëzuara nga prokurorët e SPAK-ut i kanë marrë në dorë vetëm avokatët e zotit Veliaj.

Pyetja lind: Mos vallë Ermir Beta apo Artur Selmani kanë folur me ndonjë gazetar? Se në dijeni kanë folur me gazetarë dhe ka rrjedhur informacioni, për përgjime etj.

Pyetja e tretë

Kujt tjetër ia kanë çuar këto përgjime t’i shohë veç Erionit? A i ka parë Arben Rakipi? A i ka parë Fatmir Xhafaj? Pra, a i janë çuar dikujt tjetër? Për shembull po pyesim, kryeministrit?

A ka dijeni ndonjë person tjetër veç këtyre dy avokatëve dhe zotit Veliaj për përgjimet që janë bërë gjatë kohës që Erion Veliaj ka qëndruar në qelinë e burgut të Durrësit?

Pyetja e katërt

Kush i furnizonte gazetarët me informacione që vinin nga brenda seancës gjyqësore ditën e dytë të gjyqit të zotit Erion Veliaj në Apelin e GJKKO-së?

Kush i nxirrte informacionet nga brenda që avokati Artur Selmani tha kështu, avokati tjetër tha kështu, zoti Veliaj kërkon kështu, kush i shpërndau këto mesazhe?

Këto janë katër pyetje mjaft të rëndësishme që opinioni publik të sqarohet njëherë e mirë se kush duhet të jenë njerëzit e dyshuar për rrjedhjen e informacionit, pasi në dijeninë tonë avokatët e zotit Veliaj janë përtej rolit të tyre.

Ne do të presim të përgjigjen. Në rast se do të heshtin apo do të zgjedhin sërish format e tyre, teknikat e tyre për të manipuluar opinionin publik apo për t’i ushtruar presion medias që të mos zbulojë ato përgjime skandaloze që jo vetëm tregojnë fytyrën e vërtetë të Erion Veliajt në marrëdhënien me mediat, por fytyrën e vërtetë të Erion Veliajt se si ai menaxhon dhe drejton institucionin e Bashkisë së Tiranës dhe ato audiopërgjime janë prova e 1001-të për kryebashkiakun e Tiranës pse ai nuk duhet të dalë nga qelia./ CNA

 





Lajmet e fundit nga