web counter
LEXO PA REKLAMA!

SHKARKO APP

App Store
Google Play

E fundit!

x

Asgjë nuk është më e qartë se kaq

6 Mars 2025, 11:12, Editorial CNA
Asgjë nuk është më e qartë se kaq
Erion Veliaj

Një kthim pas në kohë dhe leximi i sjelljes së kryebashkiakut Erion Veliaj na tregon gjithë të vërtetën pse ky i fundit kaloi nga një dashnor i reformës në drejtësi në një akuzues, shpifës dhe fyes ndaj gjyqtarëve dhe prokurorëve.

Në fillim Erion Veliaj tha se do të takonte kolegët dhe se kishte gjetur kolegët e duhur në institucion dhe ishte bërë investim i duhur. Më pas tha se nuk ishte hetuar ai, por ishte hetuar zonja e tij. Më pas sulmoi biznese, gazetarë dhe të gjitha këto kanë një qëllim të caktuar.

Tek e para është lëpirja ndaj SPAK-ut.

“Unë po ju marr me të mirë, jeni institucioni i duhur, por ju nuk duhet të merreni me mua”.

Më pas sulmon mediat dhe gazetarët për t’i thënë SPAK-ut “ja, s’kam faj unë, shpifin e gënjejnë ata se kanë marrë përfitime dhe kur nuk ju jep përfitime kështu flasin”, se janë të vërteta ato që thonë ose jo, nuk kishte rëndësi për të.

Më pas tentoi ta hiqte sërish nga vetja duke u thënë “merrni gruan s’keni punë me mua” me qasjen se janë veçse disa hetime për Ajolën dhe në fund filloi sulmet.

Sulmi ndaj gjyqtarit Erjon Bani, i cili ka të paktën 4 vendime pro kryebashkiakut Erion Veliaj.

Sulmi ndaj prokurorit Ols Dado, i cili ka të paktën tri vendime pro Erion Veliajt, një në lidhje me një protestë, kjo e raportuar nga Petrit Vasili, dhe dy kallëzime të tjera që kanë qenë në kohën kur Ols Dado ka qenë në SPAK.

Asgjë nuk është më e qartë sesa kaq.

Ai ka dashur të shpëtojë nga prokurorët e SPAK-ut, këta t’i japin shpërblimin duke i mbyllur çështjen dhe ai ishte gati të linte dhe gruan dëshmore siç e ka raportuar dhe vetë.

Tani justifikohet me faktin se nuk do të ikë, nuk largohet, duhet të ndiqet i lirë, por askush nuk garanton dot se Erion Veliaj nuk prish provat, nuk mund të qëndrojë në detyrë për sa kohë gjatë kohës që nuk ishte nën arrest ai me Klotilda Bushkën, me bashkëshorten dhe njerëz të tjerë tentuan të prishnin provat. Kjo është më se e qartë.

Ai nga burgu ku është në izolim, apo në cilindo burg të ishte, ai çfarë nuk shan, shpif, fyen dhe shkruan deri në kërcënime, deri duke treguar ngjyrën e makinës së fëmijës, deri duke treguar shtëpinë e prokurorit, deri duke sulmuar personalisht gjyqtarët për ta bërë shembull në mënyrë të tillë që të tjerët të mos guxojnë më lart ose dosja e tij të prishet.

Asgjë nuk është më e qartë se kaq.

Erion Veliaj, pas të gjitha këtyre, tashmë ka filluar sulmet e tij në ILD, KLP, në SPAK e kështu me radhë.

Por të gjitha janë veprimet dhe lëngimet e fundit të një të korruptuari që deri dje dirigjonte bashkinë më të madhe të Shqipërisë dhe pas buzëqeshjes dhe maskës së tij të neveritshme fshihej një hajdut që çonte paratë në xhepat e gruas së tij.

Asgjë nuk është më e qartë se kaq!/ CNA





Lajmet e fundit nga