web counter
LEXO PA REKLAMA!

SHKARKO APP

App Store
Google Play

E fundit!

x

Të mjerët dhe fotot e Veliajt

19 Shkurt 2025, 17:13, Editorial CNA

Të mjerët dhe fotot e Veliajt

Mediat e inceneratoreve dhe ato të paguara nga paratë e vëllait të kryebashkiakut, janë shqetësuar së bashku me disa avokatë për fotot e Erion Veliajt në sallën e gjyqit. Njerëz që janë përfitues direkt dhe indirekt të fondeve të Bashkisë së Tiranës, janë mërzitur shumë në lidhje me fotot që ka publikuar CNA.

Fotot e publikuara sot nga CNA janë në sallën e gjyqit në GJKKO, për masën e sigurisë së kryebashkiakut Erion Veliaj.

Si gjithmonë, ne jemi dakord me disa gjëra nga ato që thonë, pra që të hapet një hetim, të gjendet nga kanë rrjedhur ato foto. Janë foto ashtu siç gënjen, apo i ka fotografuar ndonjë njeri i Erion Veliajt?! Përpara se të dalin në sulm, duhet edhe ta mbajnë paksa veten, megjithëse e kanë humbur kontrollin. Së pari, thuhet se fotot e publikuara në CNA, kanë dalë nga këndi ku rrinë prokurorët. Është gënjeshtër.

Fotot tona janë anësore, prokurorët janë përballë. Kush ka qenë në GJKKO nëpër sallë, e di mjaft mirë ku ulen prokurorët dhe e kuptojnë mjaft mirë kush i ka bërë ato foto. Që të dalë hetimi i pastër, atje ka kamera, mjafton t’i hapin, t’i shikojnë.

Sa për nxjerrjen e fotove dhe përdorimin e tyre për alibi të tjera, duket se vërtet po na japin peshë shumë të madhe dhe faleminderit për rëndesinë që na jepni e vlerësimin.

Për ata që shqetësohen, se ç’janë këto foto, si kanë dalë, e çfarë skandali i madh, e që po bëjnë propagandë duke shkelur ligjin, me kërcënimet e shantazhet që po u bëjnë prokurorëve, sidomos në rastin e të pandehurve, pra të vetë Veliajt.

Ndoshta do të ishte mirë t’i shohin pak në një këndvështrim tjetër gjërat, sepse nuk është çështje hotelesh, as në Ksamil, e as në Sarandë, të vëna në emër të kalamajve për t’i fshehur.

Të mjerët dhe fotot e Veliajt

Dikujt mund t’i dhembë koka se Erion Veliaj i ka dhënë shumë para dje, apo vëllai i tij, apo ineceneratorët. Dikush tjetër mund të këtë edhe halle të tjera, por në fund, mirë është të kthjellohen pak, të mendohen, të mos nxitohen. Nuk është çështje propagande e diversioni është çështje e së vërtetës. E vërteta dhemb shumë.

Ndaj dhe më shumë se kujtdo tjetër po u dhemb mediave të inceneratorëve, po u dhemb njerëzve të paguar nga Erion Veliaj dhe vëllai i tij, sepse nuk qajnë hallin se është Erioni në qeli qajnë hallin e “haraçit” mujor apo parave të dyshimta me të cilat janë investuar hotele, biznese, godina televizionesh e kështu me radhë. Ndaj mirë është të kthjellohen, të pinë një gotë ujë, të jenë më gjakftohtë se kështu po marrin më qafë dhe njerëzit e tyre siç morën më qafë dhe Erion Veliajn me arrogancën dhe papërgjegjshmërinë e tyre.

Ashtu sikundër po e nxjerrin blof me gënjeshtrat e përditshme dhe shantazhet që bëjnë ndaj prokurorëve dhe gjyqtarëve, kështu do ta marrin më qafë këdo tjetër duke menduar se i dinë të gjitha, se janë të zotët e gjithçkaje, se kanë informacion për çdo gjë tjetër dhe se me politikë me sharje me kërcënime me padi të rreme me fyerje do zgjidhin gjithçka.

Në fakt e vërteta dhemb shumë, shumë shpejt ndoshta, nga hetimet që vazhdojnë mund të dalin dhe emrat e këtyre që bëjnë avokatinë e Erion Veliajt sot. Atëherë nuk do të ishte një ditë e bukur edhe pse janë kthyer në lëtyra për një kockë. Të mjerët e medias shqiptare të cilët janë avokatë të hajdutërisë, aleatët e paguar të inceneratorëve dhe dikush edhe pjesë e lidhjeve me krimin, që paguhen për të sulmuar SPAK-un dhe gjyqtarët po e marrin përgjigjen me kohën dhe të vërtetën.

Sikur të ishit shqetësuar kaq shumë dhe të kishit shkruar kaq shumë sa po shkruani në mbrojtje të një hajduti të kapur në vjedhje me 1 mijë abuzime, sikur të ishit shqetësuar kaq shumë për jetën e Ardit Gjoklajt që humbi jetën në landfill, për inceneratorët që nuk ekzistojnë, për dosjen “5D”, për tenderët, për shembjen e teatrit, për zullumet, ndoshta dhe ju do të ishtit më të qetë shpirtërisht dhe ai zotëria nuk do të ishte në burg me këto halle që ka, pasi do t’ia kishit kthyer mendjen e kokës.

I sfidojmë publikisht të shkojmë të gjithë në SPAK dhe të dorëzojmë telefonat të shqetësuarit e vërtetë, gjobaxhinjtë dhe kushdo mendon se me këto flluska do na ndalë që të themi të vërtetën kundër Veliajt dhe çdo bashkëpunëtori të tij./CNA 





Lajmet e fundit nga