Spurdhjaku Veliaj

16 Shkurt 2025, 14:23, Opinione CNA

Spurdhjaku Veliaj

Kryebashkiaku i Tiranës vazhdon të shkruajë nga burgu gënjeshtrat e tij të zakonshme. Ashtu siç bëri gati një vit më parë duke thënë se nuk po hetohej ai, po hetohej gruaja.

Duke gënjyer publikisht, duke thënë se nuk ka vendim gjykate për arrestimin e tij, por e kishte arrestuar një prokuror Ols Dado dhe vazhdon sulmet e shantazhet e pandalshme ndaj tij.

Në fakt kjo është një sjellje prej spurdhjaku politik, prej një sharlatani politik. Erion Veliaj në fakt është arrestuar me vendim gjykate dhe prokuror nuk është vetëm Ols Dado, por dhe Altin Dumani.

Frikacaku duke u sjellë si spurdhjak ka frikë t’ia përmendë emrin Altin Dumanit dhe gjyqtarit Erion Bani, por ka gjetur mediat e tij, sharlatanët e tij mediatikë që të sulmojnë nën rrogoz.

Në fakt siç gënjeu muaj më parë, vazhdon të gënjejë dhe tani si një frikacak. Erion Veliaj nuk është arrestuar as për brekët e gruas, as për brekët e komshies.

Fakti, Erion Veliaj nuk është arrestuar për brekët e gruas
14 Shkurt, 15:45

Erion Veliaj është arrestuar sepse ka firmosur pagesa për bashkëshorten e tij dhe ky është korrupsion. Erion Veliaj është arrestuar sepse bashkëpunëtorë të tij si Klotilda Bushka apo bashkëshortja e tij kanë intimiduar dy dëshmitarët dhe kanë dashur të prishin provat.

Erion Veliaj është arrestuar se ka firmosur leje ndërtimi dhe ndërtuesit më pas kanë shkuar e kanë blerë piktura deri 50 mijë euro te bashkëshortja e tij.

Një zinxhir i madh tentakulash, OJF që në fakt mbushnin xhepat e bashkëshortes së tij dhe Erioni sot thotë ku janë rrobat e gruas sime. Rrobat nuk ia gjen dot prokurori.(lexo ketu)

Klotilda Bushka dhe bashkëshorti i saj, në rrjetën e korrupsionit/ Lidhja me OJF-në e Veliajt dhe Xoxës
11 Shkurt, 09:41
Ekskluzive/ Arrestohet biznesmeni, bashkëpunëtor me Erion Veliajn dhe Ajola Xoxën
10 Shkurt, 17:04
Detajet/ Urdhër-arreste për familjarë dhe bashkëpunëtorë të Veliajt
10 Shkurt, 14:22
E fundit/ Arrestohet Erion Veliaj
10 Shkurt, 13:57

Fakti është në dosje, qindra mijëra euro blerje të kryera dhe të padeklaruara në deklaratën e pasurisë. Kjo është fshehje.

Pa folur pastaj për qindra mijërat e tjera gjetur në llogari, për paratë që vërtiteshin, që shëtisnin në Tiranë me këllëf jastëku e kështu me radhë. Por Erion Veliaj vazhdon sillet si një spurdhjak. (lexo ketu)

Valmir Xoxa shëtiti me 140 mijë euro në jastëkë/ Paratë ia dha Ajolës për të blerë tokë
13 Shkurt, 13:09

Dje kërkoi të viktimizohej duke përdorur djalin, pardje viktimizohej duke përdorur bashkëshorten. Tani nga qelia kërkon që të gjejë të vërtetën. Në fakt e vërteta është shumë e shkurtër dhe e thjeshtë, "Erion Veliaj është njeri i korruptuar dhe është arrestuar me vendim gjykate"./CNA