web counter
LEXO PA REKLAMA!

SHKARKO APP

App Store
Google Play

E fundit!

x

A do bëhet SPAK-u si Frankenshtajni?

12 Shkurt 2025, 16:22, Opinione CNA

A do bëhet SPAK-u si Frankenshtajni?

Nga Ermal Mulosmani

Sot vendoset fati i Drejtësisë. Prokurorët kanë arritur pikën e përballjes. Nëse ata janë kurajozë, të aftë dhe të ndershëm duhet të fillojnë procedimin penal për Kryeministrin. Duhet të kërkojnë provat për ta argumentuar inkriminimin e tij. Kjo është kryesfida e tyre.


Afera e inceneratorëve nuk është as e Erion Veliajt, as e Arben Ahmetajt, as e Lefter Kokës. Inceneratorët janë urdhër politik i Edi Ramës që përcakton edhe fituesin, edhe proçedurën edhe ekzekutuesin. Deri tani janë goditur vetëm ekzekutuesit.


Sepse kanabizimi i Shqipërisë është orientim politik dhe urdhër mosveprues i Edi Ramës. Në gjitha krimet, vrasjet dhe trafikun kriminal, Kryepërgjegjësi është Kryeministri. Dëshmitarëve Sajmir Tahiri dhe Arben Ahmetaj duhet tu merret dëshmia.


Krijimi i një kupole klienteliste sipërmarrësish, që implikohen në veprime korruptive për të qenë gjithmonë në varësi të pushtetit ekzekutiv, është politikë e urdhëruar dhe e ekzekutuar nga zyra e Kryeministrit. Dhënia e konçesioneve pa tender, e pasurisë publike për administrim pa garë, e tenderave sekretë në AKSH është veprim i urdhëruar dhe i kontrolluar nga Kryeministri. Kasta ekskluzive e sipërmarrësve kryeministrorë qëndron mbi garën, mbi ligjin dhe vetëm nën hyqmin e Kryezotit.


Betonizimi i Tiranës, veçanërisht kullat, nuk janë vepër e Erion Veliajt. Betonizimi, që nga dhënia e truallit për ndërtim, zgjedhja e ndërtuesit, arkitektit, ngjyrave, llojit të tullave dhe edhe hidrosanitaret e kullave janë vepër e Kryearkitektit. Si çdo gjë në këtë vend. Nëse aty ka vepër penale fajtori është Edi Rama.


Tenderat, proçedurat, ilirmetat, saliberishat, prokurimet, ligjet, VKM-të, janë vetëm guriçka në rrrota për vizionin e Kryevizionarit. Ato janë pastruar me ndërmjetësinë e pastruesave Ministra, Prokurorë, Drejtorë, Sipërmarrës. Siç pastrohet gruri nga kashta.


Sigurisht, pastruesit duhet të paguajnë për zellin e tyre në shërbim. Ndoca vite burg dhe ja, do vijnë dita të gëzojnë përfitimet e veta.


Kërcënimi i sotëm i Kryeministrit është sfida e madhe e SPAK-ut. Unë jam i bindur se deri tani Spaku ka bërë luftë për propagandë. Një orkestër keqbërësish nuk mund ta zhbësh duke burgosur instrumentistët por duke neutralizuar Dirigjentin.


A është Rama një Dirigjent keqbërës? Kam dyshime për këtë. Domethënë nuk jam I sigurtë që veprmet e tij janë nisur për keq ose vetëm për të vjedhur. Unë mendoj se Rama ka përdorur paratë e Shqipërisë si të ishin të shtëpisë së tij. Është në natyrën e tij të bëjë veprime eksteravagante, anormale, që kërkojnë guxim dhe shpenzime joproporcionale. Ai ndoshta mendon se duke shkuar me shpejtësi në drejtim të piketës më të largët të vizionit të tij, duke fituar kohën në kurriz të vogëlsive proçeduriale dhe ligjore, i bën një shërbim të madh shtetit dhe kombit.


Mendoj se edhe dënimet e Ministrave të tij i mendon si dëme kolaterale të këtij vizioni, kosto të domosdoshme për të arritur të përsosurën.


Por, Spaku nuk është aty për të repsektuar vizionin politik të udhëheqësit. Ai është aty për të parë vogëlsitë ligjore, proçeduriale, ndonjë korrupsion etj etj. SPAK-u ndoshta i bën dëm Shqipërisë duke i arrestuar Kryeshefin vizionar por nëse do mendojë më shumë për veten sesa për Shqipërinë duhet ta bëjë. Fundja ai është një kokë e ftohtë që operon me ligje jo me emocione.
A do kthehet SPAK-u në Frankenshtajn?! Kjo është prova e zjarrit./ CNA 





11:10 Opinione Fatbardh Kadilli

Opozita e mundur?

Gjendja e opozitës mbetet prej disa vitesh shqetësimi ...

12:43 Opinione

Paradokse

Vendit ku gjen më shumë mllef, urrejtje e grindje i kemi v...

Lajmet e fundit nga