web counter
LEXO PA REKLAMA!

SHKARKO APP

App Store
Google Play

E fundit!

x

Pse Berisha nuk e përjashton Lul Bashën nga Partia Demokratike?

1 Shkurt 2025, 11:36, Editorial CNA
Pse Berisha nuk e përjashton Lul Bashën nga Partia Demokratike?
Lulzim Basha dhe Sali Berisha

Dje u shpërnda një njoftim nga Taulant Zeneli me cilësinë e krahut të djathtë të Lulzim Bashës, i cili njoftonte mbledhje të Këshillit Kombëtar të PD në datë 10 Shkurt.

Mbledhja do organizohej për të zgjedhur personat që do ishin në listat si kandidatë për deputetë. Njoftimi bëhej në emër të PD dhe jo të Partisë që ka blerë Lul Basha së fundmi.

Pra, Lulzim Basha përdor rëndomë siglën zyrtare të PD për të njoftuar mbledhje Këshillash Kombëtare të PD! Lul Basha është ende anëtar i PD dhe nuk ka deklaruar as shkëputjen nga grupi Parlamentar i PD.

Pse Berisha nuk e përjashton Lul Bashën nga Partia Demokratike?
Lulzim Basha

Mbase vazhdon i gënjen ata trutharë që i kanë mbetur se do ankimojë pronësinë e siglës PD. Ai gjyq nuk ka për të ndodhur kurrë sepse Lul Basha e ka marrë një vendim nga Gjykata e Lartë në të cilin i thuhej që nëse ka ankesa duhet të shkonte të qante tek dera e gjykatës së shkallës së parë. Atë qarje Luli nuk e ka nisur ende dhe nuk ka për ta nisur kurrë.

Para pak ditësh bleu siglën e një subjekti politik të lindur të vjetëruar dhe aty zgjodhi të mos firmosë si Kryetar.

Ndërkohë vazhdon të jetë anëtar i grupit parlamentar të Partisë Demokratike. Dhe paralelisht vë humoristët e vet që të shpërndajnë njoftime për mbledhje për të zgjedhur kandidatët për deputet për zgjedhjet e 11 Majit.

Del në media dhe flet si kryetar i PD dhe si njeri me probleme të zhvillimit të vonë psikik, flet për programe elektorale dhe për të korruptuar që do i luftojë.

Ky është Lul Basha sot që e ka njohur edhe Berisha se çfarë "malli" është. Tani Berisha nuk ka më dilema për Lul Bashën. Ka kërkuar edhe falje që nuk e kishte njohur dot më parë, kur të gjithë e njihnim mirë se çfarë malli fake ishte.

Po megjithëse sot e njeh mirë, nuk e përjashton nga grupi parlamentar! As nga Partia Demokratike! Nuk nxehet kur Luli vazhdon përdor siglën e PD dhe thërret mbledhje si kryetar i PD. Bilé as nuk reagon me ndonjë batutë kundra Lul Bashës, të tipit "hera e parë falet e nuk do i mbahet shënim"!.

Tani që "e njofti" dhe që Lul Basha krijoi edhe partinë e vet, pse bën Berisha sikur nuk e ka mendjen dhe nuk e përjashton as nga Partia Demokratike, as nga grupi parlamentar?

Kjo sjellje e Berishës nuk rezulton në stilin e Berishës. Për të tjerat do rrojmë e do shikojmë./ CNA





Lajmet e fundit nga