web counter
LEXO PA REKLAMA!

SHKARKO APP

App Store
Google Play

E fundit!

x

Karagjozët e rinj të politikës

21 Janar 2025, 13:56, Editorial CNA
Karagjozët e rinj të politikës
Adriatik Lapaj, Endri Shabani dhe Arlind Qori

Dje në mbrëmje të gjithë shqiptarët panë më në fund tri fytyrat dhe të vërtetat e shëmtuara të disa karagjozëve politikë.

Panë se si Endri Shabani, një produkt i dalë nga Aleanca Kuq e Zi e Kreshnik Spahiut, në krye të partisë së themeluar nga një xhepist ku bëjnë pjesë dhe hajdutë të tjerë të LSI-së, partisë legjendare të Ilir Metës, dalë nga prodhimet e MJAFT-it të Sorosit dhe Erion Veliajt, ku Arlind Qori që ndoshta kërkoi me sforco për të bërë një protestë për një çështje që nuk ekzistonte, e cila kishte marrë të gjitha sqarimet nga institucionet përgjegjëse nga vetë familjarët dhe i treti Ardiatik Llapaj, vota e 71-të e Edi Ramës, edhe ky një produkt i bukur i Erion Veliajt, edhe ky nga burimet e Aleancës Kuq e Zi të Kreshnik Spahiut, por jo si Mjaftistë të partisë thurëse të Endri Shabanit.

Karagjozët e rinj të politikës

E pështirë, e neveritshme ajo që ndodhi para Ministrisë së Brendshme, megjithëse nuk kishte më shumë se 50-60 veta që në fakt janë studentët e rinj që Arlind Qori i mbledh duke i gënjyer lart e poshtë, pasi as Adriatik Lapaj dhe as Endri Shabani nuk kishin asnjëri me vete.

Për më tepër për të shkuar në protestë thirrje kishte bërë edhe kreu i opozitës, zoti Berisha, dhe në fund të fundit ngelën vetë për të parë atë që ishte shfaqja e duhur për shqiptarët dhe ata që besojnë Llapajt, Shabanët apo Arlind Qorin.

Në fakt nuk kanë lidhje me njëri-tjetrin. Janë pseudopatriotë, njëri është neomarksist, tjetri bën si shpëtimtar dhe nuk dihet me ç’para po financon një fushatë anembanë botës, një tjetër që aksionin e tij maksimal e ka vetëm në ekrane pasi nuk ka parti.

Ndoshta më shumë vota nga ata të gjithë bashkë ka Arlind Qori se ka ende komunistë të matufepsur në Shqipëri që ende pas 34 vitesh të rënies së diktaturës besojnë te propaganda marksiste.

Dje shfaqja ishte spektakolare

Tre të rinj të cilët ziheshin se kush të merrte mikrofonin, njëri më budalla se tjetri, imagjinoni të jenë këta e ardhmja e Shqipërisë. Tre veta që nuk zgjidhnin mikrofonin, një protestë që nuk kishte fare lidhje me ta. E kishte thirrur Qori, e mbështeti Shabani, kishte bërë thirrje doktori, shkoi dhe Adriatik Llapaj.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.al)

Tri vegla të Edi Ramës, të Erion Veliajt të Mjaft-it të Sorosit. Nuk ndryshojnë shumë nga njëri-tjetri, njëri ikën djathtas, tjetri ikën majtas, bëjnë si parimorë, nuk janë asgjë më shumë se mbetje të kalbëzuara të politikës së vjetër se Berisha, Meta, Rama, Nano e të tjerë ndoshta kanë skandale korrupsioni apo zihen për mikrofonat në Kuvend, por të jesh parti e re, me mendësi të reja, dhe të shkosh të rrihesh para Ministrisë së Brendshme, ti je armik, ti je tradhtar, ti je i këtij dhe ti je i atij, kjo është qesharake.

Është e vërtetë se çfarë të tilla mbetje ka prodhuar politika shqiptare që nuk gjejnë dot vend në një parti dhe më pas fillojnë të krijojnë partiçkat e tyre për pak protagonizëm.

Në fakt protagonizmin e kanë të plotë. Edi Rama ua ka dhënë të gjitha ekranet dhe ua ka vënë në dispozicion këtyre tre pionierëve të Rilindjes. Sa në një televizion në një tjetër i shikon, ku më shumë e ku më pak, hapësirën e kanë të plotë. Vetëm që nuk kanë parti, nuk kanë struktura, këta dhe s’ka njeri tjetër, këta dhe mendja e tyre.

Dhe, dje më në fund i pamë sa të zotët ishin dhe sa shumë vlenin.

Tre të rinj që duan të vijnë në pushtet të marrin vota, të marrin mandate dhe përfundojnë duke u rrahur për mikrofonin.


Sa të etur për pushtet janë këta të rinjtë, sa të keqpërdorur dhe të keqmësuar janë, sa palaço dhe sharlatanë publikë sillen dhe në momentin e duhur ku shqiptarët do ta kuptonin se me kë kishin të bënin, kush ishte më i pështirë sesa tjetri nga të tre./ CNA





10:20 Editorial

Lotët e Lulit

Në disa dalje mediatike të javëve të fundit, Lulzim Ba...

Lajmet e fundit nga