Rama si gjykatës i Veliajt me SPAK

4 Janar 2025, 11:39, Editorial CNA

Edi Rama, Erion Veliaj, foto ilustruese

Kryeministri Edi Rama në daljen e tij të fundit mediatike, në mbyllje të vitit 2024, i bëri një mbrojtje publike Erion Veliajt, kryebashkiakut të Tiranës, i cili është nën 4 akuza të rënda penale nga SPAK-u.

Shpesh Rama ka bërë cirk me drejtësinë e re, herë duke e bërë veten si baba i kësaj reforme, herë duke shpikur komsionin “Xhafaj”, herë duke e mbrojtur këtë të fundit diku për qëllimet e Veliajt, diku për qëllimet e njerëzve të tij që kanë përfunduar pas hekurave për korrupsion dhe shpërdorim detyre dhe afera, diku ndoshta për të kontrolluar SPAK-un.

Hetimi i Veliajt/ Rama: Nuk bën përjashtim nga të tjerët
30 Dhjetor, 14:00

Qëndrimi i fundit me Erion Veliaj e bën Ramën një gjyqtar në GJKKO përballë fakteve të SPAK dhe provave të gjetura të prokurorëve kundër kryebashkiakut të Tiranës.

Edi Rama merr rolin e gjyqtarit dhe pas njoftimit zyrtar të bërë nga SPAK kryeministri ynë tashmë e ka kuptuar sa thellë kanë shkuar hetimet, sa thellë kanë hetuar prokurorët. (LEXO KETU)

Ndoshta është shqetësuar për këtë të fundit duke kuptuar se, hetimet të tilla që çohen deri në fund, që kanë si themel vetëm zbardhjen e së vërtetës janë shumë profesionale dhe si të tilla nxjerrin fakte dhe prova pafund.

Kështu ka ndodhur dhe me kryebashkiakun e Tiranës, i cili veten e ka quajtur b*lehekuri, i paprekshmi dhe zonja e tij Ajola Xoxa është çuditur kur i kanë trokitur në derë oficerët e BKH-së.

BKH mësyn në banesën e kryebashkiakut Erion Veliaj
6 Dhjetor, 10:25

Që kryeministri ynë të jetë i qetë, ndoshta duhet të ndodhë një veprim tjetër.

Ta marrim hipotetike.

Të çojmë Edi Ramën gjykatës në GJKKO dhe SPAK t’i çojë atij dosjen hetimore me faktet dhe provat nga të cilat shumë pak dimë ne si media apo di publiku dhe besojmë që shumë më shumë di kryeministri ynë, pavarësisht se ai do të bëjë mbrojtjen e tij publike dhe politike.

Si gjykatës Edi Rama do të merrte një dosje e cila është shpërthyese nga informacionet që vijnë nga institucionet e shtetit shqiptar, jo nga SPAK, sepse gjithmonë përgjegjësia për daljen e informacioneve i lihet SPAK.

SPAK konfirmon gazetarin: Janë ngritur 4 akuza për Erion Veliajn
27 Dhjetor, 13:31

Në fakt institucionet e shtetit shqiptar, janë bankat, strukturat që kontrollohen nga SPAK, atje ku çohen dokumentet, kërkesat nga prokurorë të cilët më pas rrjedhin informacionin, apo një rrjedhje informacioni që vjen nga gjykata. Por kjo ka pak rëndësi.

Edi Rama di mjaft fakte dhe prova. Erion Veliajn e ka pasur bashkëpunëtor të ngushtë. Kryeministri ynë në rolin e gjyqtarit në rast se do të merrte dosjen e prokurorëve të SPAK mund të shtonte akoma më shumë akuzat dhe nëse prokurorët shkojnë me kërkesa mesatare ndaj Erion Veliajt dhe familjarëve të tij për veprat penale për të cilat akuzohen dhe me një gjyqtar të zakonshëm po themi që Veliaj do të dënohej me 2,4,6 vite burg, me Edi Ramën gjyqtar, me faktet dhe provat që dihen apo dhe me të tjera që ende nuk i dimë por nga informacionet e mbledhura në institucionet ku SPAK ka shkuar dhe ka hetuar Edi Rama do ta dënonte Veliajn me mbi 15 vite burg, ndoshta do t’i falte burgimin e përjetshëm. (LEXO KETU)

Ky është rasti ku Edi Rama është gjyqtar në GJKKO dhe shqyrton kërkesën e prokurorëve të SPAK dhe jep vendimin për Erion Veliajn./ CNA