web counter
LEXO PA REKLAMA!

SHKARKO APP

App Store
Google Play

SPAK konfirmon gazetarin: Janë ngritur 4 akuza për Erion Veliajn

27 Dhjetor 2024, 13:28, Politikë CNA

SPAK konfirmon gazetarin: Janë ngritur 4 akuza për Erion Veliajn

Kryebashkiaku Erion Veliaj u thirr në SPAK një ditë më parë ku u pyet për 5 orë në lidhje me hetimet e prokurorit Olsi Dado për pasurinë e Erion Veliajt dhe familjarëve të tij.

Pas paraqitjes së Veliajt për herë të dytë në SPAK, gazetari Elvi Fundo zbuloi detaje rreth hetimeve që po kryen Prokuroria e Posaçme sa i përket kryebashkiakut.

Në një dalje televizive te "Çim Peka", mbrëmjen e kaluar gazetari tha se nga hetimi pasuror i Erion Veliajt janë ngritur 4 akuza.

Gazetari Elvi Fundo deklaroi se hetimi pasuror ndaj Erion Veliajt ka filluar pasi ka pasur dyshime për të ngritur akuzë korrupsioni, shpërdorim detyre, pastrim i produkteve të veprës penale dhe fshehje pasurie.

Të njëjtën gjë ka konfirmuar sot Prokuroria e Posaçme përmes një njoftimi publik.

Sipas njoftimit të SPAK-ut, deri në këtë fazë të hetimit paraprak, nga provat e grumbulluara, është arritur në konkluzionin se ekzistojnë të dhëna konkrete, të cilat lidhen me “Korrupsion pasiv i funksionarëve të lartë shtetërorë ose i të zgjedhurve vendorë”, “Korrupsion aktiv i funksionarëve të lartë shtetërorë ose të zgjedhurve vendorë”, “Pastrimi i produkteve të veprës penale ose veprimtarisë kriminale” dhe “Refuzim për deklarim, mosdeklarim, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim”.

Kështu SPAK konfirmon se ndaj Veliajt ka akuza për disa vepra penale, të cilat gazetari Elvi Fundo i ka nënvizuar gjatë një interviste ku është shprehur se ka pasur dyshime për të ngritur akuza për 4 vepra penale, si korrupsioni, fshehja e pasurisë, shpërdorim detyre dhe pastrim i produkteve të veprës penale./ CNA





Lajmet e fundit nga