E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Erion Veliaj, si tigër prej letre

26 Dhjetor 2024, 19:43, Editorial CNA

Erion Veliaj, foto ilustruese

Kryebashkiaku i Tiranës sot u paraqit në SPAK për herë të dytë brenda një viti. Herën e parë për 7 orë dhe tani për 5 orë. Ndaj tij ka filluar një hetim pasuror, janë disa dosje.

Për ata që duan të vërtetën duhet të mësojnë se hetimet për Erion Veliajn janë për dosjen “5D”e cila ka dhe fraksion, për inceneratorët, një pjesë e të akuzuarëve janë çuar në gjykatë ndërkohë ka hetime të tjera, për teatrin, për shembjet te 5 maj dhe kallëzime të tjera të bëra ndaj kryebashkiakut të Tiranës. (LEXO KETU)

Për herë të parë Erion Veliaj nuk tha më kolegët. Për herë të parë Erion Veliaj nuk po shfaqet më në media, për herë të parë Erion Veliaj nuk foli në dyert e SPAK-ut, nuk shkoi me biçikletë te kolegët e tij, por mblodhi një tufë me bodiguardë kur doli nga dera e institucionit hetimor kryesor në Shqipëri, pasi ishte pyetur për 5 orë në lidhje me pasurinë e tij, në lidhje me hetimet e kryera nga SPAK-u, fakte dhe prova të pafundme që janë gjetur në lidhje me familjarët e tij, të afërmit e tij, të cilët shkojnë sa në Tiranë, në Vjenë e të tjerë. (LEXO KETU)

Sot, Erion Veliaj bëri një akt tjetër.

Ai keqpërdori Këshillin Bashkiak të Tiranës. Jo pa qëllim e la mbledhjen në të njëjtën ditë. Kështu veproi dhe herën e parë dhe na tha se na ishte një kallëzues anonim. Se sa kallëzues anonim është dosja 5D, e drejtorëve të tij apo inceneratorit që nuk ekziston këtë e dinë të gjithë shqiptarët.

Në SPAK me orë të tëra/ Veliaj ia hedh sërish fajin Berishës
26 Dhjetor, 17:26

Ndaj Erion Veliajt ka filluar një hetim pasuror. Ai është një person i cili është në dijeni se hetimi të cilin ai thotë se është nga persona anonimë si kallëzim është një gënjeshtër, sepse hetimi ndaj tij ka ardhur mbi baza të forta faktesh, provash dhe dyshimesh për korrupsion, shpërdorim detyre, fshehje pasurie apo pastrim të produkteve të veprës penale.

Sot, Erion Veliaj u tregua një tigër prej letre, duke treguar dhëmbët ndaj SPAK-ut, për t’u thënë se nuk dorëzohet dhe në rast se ata duan ta arrestojnë duhet të shkojnë ta marrin në zyrë.

Nga ana tjetër ai i tregoi Edi Ramës se nuk është njësoj si bashkëpunëtorët e ngushtë të kryeministrit të cilët janë vetëdorëzuar, kanë pranuar dënimin apo kanë kaluar gjithçka në heshtje, por se mund të vazhdojë tu qëndrojë të njëjtave parime për ta marrë dhe Edi Ramën me vete, për ta kërcënuar apo për t’iu treguar se sa i fort është.

Veliaj, mesazh SPAK-ut/ “Unë jam tigër”
6 Dhjetor, 12:18

Erion Veliaj, në fakt nuk është asgjë më shumë dhe as më pak se sa një tigër prej letre.

Sot keqpërdori përfaqësuesit e qytetarëve të Tiranës dhe nga ana tetër njeriu që minimalisht duhet të kishte dhënë dorëheqjen kohë më parë pasi kishte filluar hetimi i tij pasuror dhe janë gjetur fakte dhe prova të pakontestueshme.

Ai tregoi një barsoletë me Nesti Angonin që e quan person anonim por nuk ka rëndësi kush anonimi kallëzues, rëndësi kanë faktet që gjejnë prokurorët, nuk ka rëndësi çfarë thotë Erion Veliaj por shkresat që ai ka firmosur për inceneratorin e Tiranës, nuk ka rëndësi se çfarë thotë Erion Veliaj, rëndësi ka dosja 5D dhe drejtorët e organizatës së tij të hajdutëve, teatri i shembur është atje, shembjet te 5 Maj, përplasjet, korrupsioni janë atje, janë fakte dhe prova të pakontestueshme.

I thotë Nesti, i thotë Edi Rama, apo ia thotë mendja perverse e ndonjë gazetari që kujton se duke e këshilluar po e shpëton Erion Veliajn kjo nuk ka asnjë pikë rëndësie.

Thelbi është një dhe vetëm një ,faktet dhe provat dhe se Erion Veliaj është një tigër prej letre që po kërkon tu thotë prokurorëve të SPAK-ut hajde më merrni në zyrë dhe kërcënon Ramën se nuk dorëzohet./ CNA