E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Një sqarim i nevojshëm për Komisionin e Mediave!

3 Shkurt 2025, 15:04, Editorial CNA

Një sqarim i nevojshëm për Komisionin e Mediave!

Leka Bungo

Sot gjatë të gjithë ditës, me orë të zgjatura, ka pasur diskutime në Komisionin e Mediave, në lidhje me procesin e zgjedhjes së kreut të RTSH-së nga këshilli i këtij institucioni.

Më pas, në shumë diskutime, procedura, diku dhe me të pavërteta të thëna nga anëtarët e Këshillit Drejtues, drejtuesja e Komisionit, Ina Zhupa, ka kërkuar që faktet dhe dokumentet e çuara në Kuvend të kaloheshin te Komisioni i Monitorimit për t'u verifikuar.

Ka pasur reagime, kundërreagime, është përmendur edhe CNA, dhe ne duam t’u japim një sqarim të plotë anëtarëve të Komisionit të Medias, por edhe anëtarëve të Këshillit Drejtues.

Leka Bungo gënjen sërish në Komision
3 Shkurt, 14:48
Denoncimi i CNA-së/ Evis Kushi “gozhdon” Leka Bungon
3 Shkurt, 14:29

CNA nuk ka bërë asnjë shkrim kundër deri tani.

Pra, nuk është çështje e shkrimit. Ne kemi bërë një investigim.

Në investigimin tonë kemi nxjerrë se kryetari i Këshillit Drejtues ka marrë fonde nga Radio Televizioni Publik.

Ne kemi treguar statutin e radiotelevizionit që e kemi këtu, që anëtarët nuk mund të marrin projekte apo fonde.

Leka Bungo ka marrë rreth 4 milionë lekë për një projekt të caktuar. Kemi nxjerrë ligjin e konfliktit të interesit, përveçse statutit të RTSH-së dhe kemi treguar publikisht edhe dokumentin.

Tani ne jemi përballë fakteve dhe provave, përballë investigimit. Nuk kemi cenuar askënd, as familjarët e ndokujt, as nuk jemi marrë me asnjë nga familjarët e anëtarëve të Këshillit Drejtues.

Për më tepër dhe për të qenë seriozë materialet që ne kemi zbuluar i kemi marrë dhe i kemi çuar me shkresë zyrtare në Kuvend që ai t’i verifikojë kush është në të vërtetë.

Kjo për shkak se pas publikimeve tona reagoi zoti Bungo, i cili në fakt është një nga njerëzit që sulmon familjarë, të afërm, që sulmon gazetarët kur ata e kapin mat dhe e vendosin me shpatulla pas murit njeriun që është përgjegjës për shkatërrimin dhe rrëmujën që ndodh në RTSH dhe për t'u sjellë ndryshe nga ai njeri që ndoshta dhe nga mosha s’ka faj, e respektojmë për moshën e tij, ne të gjitha dokumentet i kemi çuar zyrtarisht në Kuvend, pra nuk kemi bërë shkrime, por kemi bërë investigim.

Kemi gjetur dokumente zyrtare që ia kemi dhënë Kuvendit, i cili duhet të bëjë detyrën e tij. Duhet t’i verifikojë dhe vlerësojë, në të kundërt është vetë Kuvendi që do të jetë në shkelje të ligjit ashtu sikundër është dhe vetë Leka Bungo, i cili gënjeu dhe publikisht atje duke thënë se nuk ishte në kushtet e papajtueshmërisë dhe konfliktit të interesit./ CNA