web counter
LEXO PA REKLAMA!

SHKARKO APP

App Store
Google Play

Erion Veliajn nuk ka kush ta mbrojë

13 Shkurt 2025, 13:49, Editorial CNA
Erion Veliajn nuk ka kush ta mbrojë
Erion Veliaj

Mjafton të shikoje ekranet e djeshme, debatet kryesore të mbrëmjes për të kuptuar që Erion Veliajn nuk ka kush ta mbrojë.

Tek tuk ndonjë gazetar periferik portalesh, që keqpërdoren nga lëmoshët që jep Veliaj, një person nën hetim siç është Plarent Ndreca, vetë Baton Haxhiu një nga mendjet mbështetëse kryesore të Edi Ramës e kishte braktisur Erion Veliajn.

Të gjithë binin dakord, të majtë e të djathtë, se Erion Veliaj ishte zullumqar, e kishte mbushur kupën.

Maksimumi i kërkesave ishin: a ka apo s’ka prova?

Që do të thotë nuk e kanë lexuar vendimin e gjykatës sepse janë rreth 400 faqe mbushur me fakte e prova. Me dhjetëra OJF të Ajola Xoxës që marrin fonde nga bashkia, me mënyrën si ndërtohen skema për të futur para cash, me lejet e ndërtimit të dhëna nga Erion Veliaj për fitime e kështu me radhë.

Nga ana tjetër sulmoheshin prokurori dhe gjyqtari nga kamikazë mediatikë, a thua se lindën dje Olsi Dado dhe Erion Bani, e i shpikën provat dhe me çdo kusht duhet shpëtuar Erion Veliaj.

Në fakt më shumë se të merreshin me prokurorin e gjyqtarin, duhet të merreshin me Klotilda Bushkën, e cila shkoi dhe në zyrën e Avokatit të Popullit dhe thirri një dëshmitare apo e kapi diku tjetër dhe i mori telefonin.

Më shumë se sa me prokurorë dhe gjyqtarë, duhet të merreshin me dhjetëra OJF të Ajola Xoxës, që i shisnin piktura dhjetra miliona lekë subjekteve që sapo merrnin leje ndërtimi. Duhet të merreshin me qindra mijëra eurot që janë gjetur në llogari bankare të Ajola Xoxës. Me vilën në Qerret të Ajolës dhe Erionit, e kështu me radhë.

Por u morën me prokurorin dhe gjyqtarin sepse Erionin nuk ka kush ta mbrojë dhe ata që dolën nëpër ekrane iu vinte turp se për çfarë po flisnin. (LEXO KETU)

As Edi Rama vetë nuk e mbrojti dot Erionin, pavarësisht se po përpiqet të bëjë një lojë politike, ndoshta për t’i dhënë mbështetje që Erioni mos “t’i çmendet”, por në fakt dhe Rama e di kush është Veliaj.

Dhe ata minimalisht gazetarë e dinë kush është bashkëshorti i Ajola Xoxës, të tjera do të zbardhen në vijim, ditë pas dite. Edi Rama dhe ata që u vjen turp ta mbrojnë, ato që kanë dëgjuar do t’i shikojnë të zbardhura në letër, me fakte dhe prova, që vërtetojnë se kush ishte zdromsi që drejtonte Bashkinë e Tiranës./ CNA





Lajmet e fundit nga