Kush është pronari i 163 mijë eurove të kushëririt të Ajola Xoxës?!

27 Shkurt 2025, 14:49, Editorial CNA

Kush e?shte? pronari i 163 mije? eurove te? kushe?ririt te? Ajola

Ajola Xoxa

Valmir Xoxa është një personazh mjaft interesant që del në dosjen e zbardhur nga gjyqtari Erjon Bani. Nga detajet e nxjerra në dosje, zbulohen hijet që rrethojnë Valmir Xoxën, djalin e xhaxhait të Ajola Xoxës.

Le të analizojmë disa fakte të konstatuara në vendimin e gjykatës.

Së pari, kemi Valmir Xoxën si një njeri të pastrehë.

Kjo theksohet shumë qartazi në vendim, ku thuhet se Valmir Xoxa ka aplikuar për kredi të butë në Bashkinë e Tiranës dhe ka marrë plot 40 milionë lekë.

Aplikimi për kredi është diçka normale, ai e ka përfituar atë, por prokurorët e SPAK-ut gjatë hetimeve kanë gjetur se Valmiri ka dhënë 140 mijë euro kur merrte kredi si i pastrehë për blerje toke. Këto 140 mijë euro Valmiri i jep për llogari të Ajola Xoxës dhe Valbona Xoxës, nënës së saj.

I PASTREHU VALMIR XOXA BLEU MAKINËN 23 MIJË EURO

Së dyti, Valmir Xoxa, personi i pastrehë që ka marrë 40 milionë lekë kredi të butë, më herët i kishte blerë 23 mijë euro makinën e Ajola Xoxës, plus dhe shëtiste me 140 mijë euro në dy jastëkë në periudhën pastërmetit.

Pra, i pastrehu Valmir Xoxa, që përfitoi kredi të butë nga Bashkia e Tiranës, kishte 163 mijë euro, 23 mijë euro për makinën dhe 140 mijë euro në dy jastëkë.

Një njeri që blen një makinë 23 mijë euro nuk mund të jetë përfitues i një kredie të butë 40 mijë euro.

Kredia e butë u jepet personave që kanë nevojë, që nuk kanë shumë të ardhura, ndërsa Valmir Xoxa kishte blerë makinën nga 7 mijë euro në 23 mijë euro.

“Xhirot” e Valmir Xoxës me 140 mijë euro në dy jastëkë
27 Shkurt, 09:01

Pra, Valmir Xoxa që ka kërkuar 40 mijë euro kredi, në fakt, sipas vendimit të gjykatës, rezulton se ka 163 mijë euro.

Lind natyrshëm pyetja: Ku i gjeti 163 mijë eurot i pastrehu Valmir Xoxa? A është i pastrehu Valmir Xoxa pronar i këtyre parave? Apo është dikush tjetër sepse bëhet fjalë për 163 mijë euro?

Pra, ka disa mundësi, Valmir Xoxa ose është i pastrehë dhe s’ka kokërr leku, ose ka mashtruar shtetin, ose pronari i këtyre 163 mijë eurove është një tjetër person? Ndoshta të vetë Ajola Xoxës?!

Dokumenti- Skema me “supermjetin” që Ajola Xoxa ia shiti kushëririt 3-fish më shumë për arsye sentimentale
27 Shkurt, 08:32

Të jesh i pastrehë, të kesh 163 mijë euro dhe të marrësh 40 milionë lekë kredi të butë, plus të përfitosh truall me paratë e të cilit mund të blesh një apartament në qendër të Tiranës, janë detaje që vetëm zbulojnë më shumë rreth personazhit Valmir Xoxa, i cili duket se është përdorur nga Ajola Xoxa për të injektuar para apo si mashë për të fshehur pasuritë, për të cilat akuzohet bashkëshortja e kryebashkiakut të arrestuar të Tiranës, Erion Veliaj./ CNA