web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj apo hallet e mëdha të Edi Ramës

20 Shkurt 2025, 11:15, Editorial CNA
Erion Veliaj apo hallet e mëdha të Edi Ramës
Edi Rama dhe Erion Veliaj

Kurrë nuk ishte bërë kështu kryeministri, nuk ishte treguar kaq i dobët, nuk ishte treguar kaq bashkëpunëtor me hajdutët e tij, nuk ishte treguar kaq i paaftë, kaq i vogël.

Ka më shumë se një javë kur të gjithë thonë mos na është çmendur kryeministri.Çfarë nuk nxjerr nga goja.

Flet për standarde, kur vetë burgosi dhe ndoti dëshmitë e penalitetit për 350 mijë shqiptarë për vepra penale që fillonin me ndërtimin e çatisë apo marrjen e energjisë për ngrohje apo drejtimin e makinës me dy birra, Edi Rama të fuste në burg.

Kërcënonte prokurorët dhe gjyqtarët kur arrestoheshin njerëzit nga policia dhe çoheshin letrat pse i lironin në zbatim të ligjit për vepra të lehta penale dhe sot është çmendur për hajdutin e tij Erion Veliaj që rrezikon deri në 15 vite burg.

Nuk ka asnjë ndryshim nga gjuha që ai ka përdorur dje kundër Berishës, kundër Ilir Metës, por nuk u qa kur ata të dy ranë në prangat e SPAK-ut. Por qan dhe ulërin sot. Gjen kurajën të bëjë dhe antimiting, të marrë zvarrë punonjësit e administratës së bashkisë që janë punonjës civilë.

Dikush mund të jetë dhe votues i PD-së, i Ballit, i Legalitetit, i LSI, dikush dhe votues gri, por Edi Rama i merr zvarrë, e nxjerr të protestojë kundër SPAK-ut për “punët e mira” të Erion Veliajt që fillojnë me Ardit Gjoklajn, me dosjen “5D”, për inceneratorin që nuk ekziston.

Këto janë tri punët më të mëdha të Erion Veliajt, që janë qindra e qindra miliona euro dhe deri në humbje jete njerëzish.

Por Edi Rama nuk ka hallin e Erion Veliajt.

Edi Rama me SPAK-un ka halle edhe më të mëdha. E nxori kokën sot e tha dhe gjatë një takimi tjetër. Mos të guxojë kush të shkojë dhe të kërkojë telefonin e tij se ai është i paprekshëm.

Mos të guxojë kush të hetojë politikanët në fushatë zgjedhore sepse Edi Rama ka bashkëpunuar me krimin në fushatë.

Edi Rama nuk do që të zbulohen lidhjet e tij me krimin, nuk do të që të zbulohen blerja e votës, nuk do zgjedhje të lira.

Ky është mesazhi që jep sot. Pra, Edi Rama nuk ka hallin e Erion Veliajt. Për atë ndoshta fërkon barkun. Ai ka halle të mëdha për dosje të tjera për zyrtarë të tjerë, të cilëve po u hetohen pasuritë, korrupsioni, skandalet, aferat e tyre.

Ka halle të tjera. Ka hall se mos i dalin hajdutëritë zgjedhore. Ka halle të tjera. Ka hall se mos hetimet shkojnë tek ai.

Ky është problemi që ka kryeministri ynë. Më shumë sesa Erion Veliajn, zdromsin e tij, të cilin e tallte e diskreditonte duke i thënë shko blej viça, lopë, shko lyej shkallët dhe këtë e bënte në publik.

Nuk ka hallin e Veliajt, Edi Rama. Edi Rama ka hallin e tij të madh./ CNA





Lajmet e fundit nga