web counter
LEXO PA REKLAMA!

SHKARKO APP

App Store
Google Play

“Shqiptarët, në misionin e pandalshëm/ Studenti: Të çmontojmë regjimin e Edi Ramës

12 Nëntor 2022, 17:16, Aktualitet CNA

“Shqiptarët, në misionin e pandalshëm/ Studenti: Të

Protestës së opozitës i janë bashkuar edhe studentët. Studenti Rezenbrik Serjani, në fjalimin e tij u shpreh se shqiptarët janë në një mision historik të pandalshëm, deri në çmontimin e plotë dhe shkuljen e regjimit autokratik të Edi Ramës.

 “Te nderuar qytetarë të Tiranës e të gjithë Shqipërisë, të nderuar qendrestarë!

Quhem Rezenbrik Serjani, jam student.

Vij nga Vlora e patriotëve të mëdhenj, nga Vlora e Pavarësisë së madhe, nga Vlora e ndryshimeve historike. Do të jetë po Vlora dhe të rinjtë e saj të jashtëzakonshëm, që do bëhen pjesë e mbrojtjes së idealeve opozitare dhe rikthimit të vendit në shinat e normalitetit.

Një thirrje zemre, është ajo që buçet nga të gjithë shqiptarët, duke u kthyer në himnin mbi të cilin u ngrit, po organizohet e manifestohet protesta e madhe e shqiptarëve, protesta e Shqipërisë.

Ne, demokratët, ne opozitarët, ne shqiptarët, jemi në misionin historik, të pandalshëm, deri në çmontimin e plotë dhe shkuljen e regjimit autokratik të Edi Ramës.

Një rrezik i madh, një mallkim ka kapluar Shqipërinë këto 9 vite, ku regjimi i sektit ka direktuar e diktuar politikat më të egra antishqiptare, ku më e liga, më e egra është politika e shpopullimit, duke e shkretuar çdo ditë e më shumë Shqipërinë.

Kujtojmë se për 7 vite janë larguar mbi 744 mijë shqiptarë, pjesa më e madhe të rinj.

Dhe kur largohet rinia, e ardhmja e vendit dhe e kombit është vërtet në rrezik; humbet shpresa për të ardhmen, shpresa për ndryshim kapitullon përpara së keqes.

Përgjegjësi për këtë ka veç një emër: Rama dhe sekti i tij në pushtet!

Valixhet drejt Perëndimit, ikjet masive, të karakterit biblik, janë alarmi ynë më i madh, janë klithja më e madhe e Shqipërisë, e kombit tonë, janë ato që çdo ditë bëhen motivi ynë i guximit dhe i përballjes me të keqen e madhe.

Kjo protestë e shenjtë, e bekuar, e jashtëzakonshme është për veten tonë, për Shqipërinë, për jetën, për të drejtat, për pronën e biznesin, për liritë e shkelura e tjetërsuara këto 9 vite, për të shenjtën familje.

Shpresa dhe besimi për të nesërmen, le të jenë forca jonë, energjia jonë, busulla jonë, kthjelltësia dhe bukuria e së ardhmes sonë.

Per 9 vjet, cdo ditë na jepet një arsye më shumë per t’u larguar.

Por po ashtu na jepen edhe mijëra arsye për të qëndruar, rezistuar e për të fituar!

Besimplotë, me besimin në Zot, le të kthehet 12 nëntori, le të jetë kjo ditë e datë dita jonë e shenjtë e demokracisë, dita e fillimit të shpëtimit të Shqipërisë!

Nëntori është muaji ynë, muaji i të gjithë shqiptarëve!

Zoti e bekoftë rrugëtimin tonë të pandalshëm demokratik!

Zoti dhe Shqipëria, vota dhe flamuri janë besimet tona!”, tha studenti./CNA.al





Lajmet e fundit nga