web counter
LEXO PA REKLAMA!

SHKARKO APP

App Store
Google Play

Edmond Budina, thirrje të forta nga protesta/ Rama ka atdhe paranë dhe fe drogën

12 Nëntor 2022, 16:46, Aktualitet CNA
Edmond Budina, thirrje të forta nga protesta/ Rama ka atdhe paranë dhe
Regjisori Edmond Budina

Regjisori Edmond Budina ka hapur protestën e opozitës para Kryeministrisë, ku janë mbledhur mijëra qytetarë.

Budina bëri thirrje kundër Qeverisë dhe ngriti një sërë akuzash ndaj kryeministrit Edi Rama.

“Ne nuk jemi këtu thjesht për keqqeverisjen e këtij pushteti, por ne jemi këtu për të treguar forcën tonë kundër mafies në pushtet e cila e ka uzurpuar pushtetin dhe në kupolë të së cilës është mister charter 22 milionë. Është mister jahti 2 miliard, është mister inceneratori 420 milionë. Zotëria 420 milionë, prandaj ne jemi këtu që ta ndalojmë këtë mafie që është në pushtet, për t’i thënë atij se ai disa ditë më parë na tha që ne të gjithë që protestojmë jemi pa fe, pa atdhe, pa flamur. Sigurisht që ne nuk jemi si ai, sepse ai atdhe ka paranë, ai fe ka drogën, ai flamur ka shitjen e interesave të atdheut dhe ne jemi kundër të gjitha këtyre.
 
Mos mendoni asnjëri se prijësit tanë do të na zbresin nga qielli, mbase asnjëherë nuk kemi pasur prijësa perfektë të zbritur nga qielli, por ne duhet të luftojmë të gjithë bashkë. Prandaj jemi këtu që t’u themi se ne luftën tonë do ta vazhdojmë deri në fund. Ata që thonë se duhet të presin një udhëheqës që të na zbresë nga qielli i shërben kësaj qeverie dhe duan të mbajnë në këmbë Edi Ramën  dhe eskortën e tij. Ne jemi kundër dhe nuk do të pranojmë.
 
Ne jemi këtu për t’i thënë jo drogës, jo shpiopullimit të atdheut, jio shpërbërjes kombëgare, jo varfërisë, jo shthurjes së këtij vendi, të rinisë që po degradon. Ne jemi këtu p0ër t’i thënë jo drogës, ne jemi këtu për t’i thënë jo mafies deri në fund.
 
Unë personalisht ju ftoj që protestat tona të mos ndalen asnjëherë deri në fund me forcë, të mos shkulemi që këtu pa e shkulur mafien e pushtetit. Ne të luftojmë dhe të kemi një mosbindje civile deri në fitoren përfundimtare.
 
Të gjithë së bashku kundër mafies”, tha Budina./ B.A. - CNA.al

Protesta live në CNA

 





Lajmet e fundit nga